अल्माटी(कजाकिस्तान): रुसका स्टार टेनिस खेलाड़ी दानिल मेदवेदेवले असाधारण पुनरागमन गर्दै अल्माटी ओपन २०२६-मा पुरुष एकलको खिताब जिते। शीर्ष वरीयता प्राप्त मेदवेदेवले फाइनलमा जर्जियाका निकोलोज बासिलाशविलीलाई ६-७ (६), ६-१, ६-३-ले पराजित गरे। यस जीतको साथ मेदवेदेवले आफ्नो करियरमा कुनै एटीपी टूर टुर्नामेण्टमा पहिलोपल्ट आफ्नो खिताबलाई सफलतापूर्वक रक्षा गरे। उनी गत वर्ष पनि टुर्नामेण्टमा च्याम्पियन भएका थिए। अल्माटी ओपनको फाइनलमा बासिलाशविलीले आक्रामक शुरुवात गर्दै रुसका दिग्गजलाई कड़ा चुनौती दिए। पहिलो सेटमा रोमाञ्चक खेल भयो अनि फसेला टाईब्रेकरमा भयो। मेदवेदेवले सेट पोइण्टको मौका पनि पाएका थिए तर त्यसलाई सदुपयोग गर्न सकेनन् अनि बासिलाशविलीले पहिलो सेट टाईब्रेकरमा ७-६ (६)-ले जिते। पहिलो सेट गुमाएपछि चाहिँ मेदवेदेवले असाधारण पुनरागमन गरे। उनले आफ्नो खेलमा सुधार गर्दै निरन्तरता, मजबूत डिफेन्स र सटीक शट्हरूको साथ बासिलाशविलीलाई समस्यामा पारे। यसरी मेदवेदेवले दोस्रो सेट ६-१-ले जितेर म्याचमा १-१-को बराबरी हासिल गरे। तेस्रो सेटमा पनि मेदवेदेवले लयलाई कायम राख्दै बासिलाशविलीलाई म्याचमा फर्किने मौका दिएनन्। यसरी उनले निर्णायक सेट पनि ६-३-ले जिते। एक घण्टा ५३ मिनटसम्म चलेको फाइनलमा मेदवेदेवको सर्विस धेरै प्रभावी रह्यो। उनले पूरा म्याचमा एकपल्ट पनि आफ्नो सर्विस गुमाएनन् अनि पहिलो सर्विसमा ७८ प्रतिशत अंक हासिल गरे। यसरी अल्माटीमा मेदवेदेवले आफ्नो करियरको २५औं एटीपी टूर खिताब जिते, जबकि २०२६ सीजनमा यो उनको चौथो ट्रफी हो। यसअघि उनले ब्रिसबेन, दुबई र चेंगदूमा खिताब जितेका थिए। यस सीजनमा उनीभन्दा अधिक एटीपी टूर खिताब एकमात्र इटलीका यानिक सिनरले जितेका छन्। उनको नाममा ६ वटा ट्रफी रहेको छ।