मङ्गन: महिला तथा बाल विकास कल्याणकारी पहलअन्तर्गत ‘बेटी बचाओ, बेटी पढ़ाओ’ (बीबीबीपी) अभियानलाई थप प्रभावकारी बनाउने उद्देश्यका साथ शुक्रवार लोअर मङ्गन बजारस्थित आँगनवाड़ी केन्द्रमा ‘बेटी जन्मोत्सव’ विशेष हर्षोल्लासका साथ आयोजना गरियो।​कार्यक्रममा मङ्गनकी बाल विकास परियोजना अधिकारी (सीडीपीओ) सोनाम लाडेन लाचुङ्पाले ‘बेटी बचाओ, बेटी पढ़ाओ’ योजनाका मुख्य उद्देश्य र यसको सामाजिक महत्त्वबारे प्रकाश पारिन्। उनले नवजात शिशुका लागि ६ महिनासम्म पूर्ण रूपमा आमाको दूध (स्तनपान) मात्र गराउनुपर्ने, सही समयमा पूरक आहार सुरु गर्नुपर्ने र सुत्केरी आमाहरूको शारीरिक तथा मानसिक स्वास्थ्यको उचित हेरचाहमा ध्यान दिनुपर्ने कुरामा जोड दिइन्। साथै, प्रसवको समयमा र त्यसपछिको अवस्थामा हुने तनाव व्यवस्थापनका उपायहरूबारे पनि उनले आमाहरूलाई मार्गदर्शन गरिन्।​यसै क्रममा पोषण निरीक्षक सोनाम नामग्यालले स्तनपान गराइरहेका आमाहरूका लागि सन्तुलित आहार र पोषणको आवश्यकताबारे जानकारी दिए।

बालबालिकाको स्वस्थ वृद्धि र विकासका लागि आवश्यक पूरक आहार कहिले र कसरी सुरु गर्ने, त्यसमा हुनुपर्ने पौष्टिक तत्त्वहरू र खाना तयार पार्ने सही तरिकाहरूबारे सहभागीहरूलाई व्यावहारिक जानकारी गराइएको थियो।​कार्यक्रममा स्थानीय आमाहरू, आँगनवाड़ी कार्यकर्ता तथा समुदायका प्रतिनिधिहरूको उपस्थिति रहेको थियो।