​गान्ताेक: ​सिक्किमको जोङ्गुस्थित सङ्कलङ आउटपोष्टमा एक नयाँ सार्वजनिक शौचालय तथा वाशरूमको औपचारिक उद्घाटन गरिएको छ। जोङ्गुका विधायक तथा वन र वातावरण मन्त्री पिन्चो नामग्याल लेप्चाले उक्त निर्मित सुविधाको उद्घाटन गरेका हुन्।​

स्थानीय क्षेत्रमा सरसफाइ तथा सार्वजनिक सुविधा प्रवर्द्धन गर्ने उद्देश्यका साथ ‘जोङ्गु राइडर्स क्लब’ को विशेष पहलमा यो शौचालय निर्माण गरिएको हो।​उद्घाटन कार्यक्रममा हॉर्टिकल्चर (उद्यानपालन) विभागकी अध्यक्ष श्रीमती ओङकित लेप्चा, स्थानीय एसडिपिओ, एसएचओ लगायत अन्य प्रहरी अधिकारीहरू, जोङ्गु राइडर्स क्लबका सदस्यहरू, पञ्चायत प्रतिनिधिहरू, एमएनपी काउन्सिलर र स्थानीय गन्यमान्य व्यक्तिहरूको बाक्लो उपस्थिति रहेको थियो।​सामाजिक उत्तरदायित्व र जनसेवाप्रति समर्पित ‘जोङ्गु राइडर्स क्लब’ को यो प्रयासले स्थानीय बासिन्दाका साथै सो क्षेत्रमा आवतजावत गर्ने पर्यटक तथा यात्रुहरूलाई सरसफाइ र सहजताका दृष्टिले ठूलो राहत पुग्ने अपेक्षा गरिएको छ।