नयाँ दिल्ली: पूर्व दिग्गज अलराउण्डर युवराज सिंह आईपीएल २०२७ अघि दिल्ली क्यापिटल्सको कोचिंग टीममा सामेल भएका छन्। युवराजलाई दिल्ली फ्रेञ्चाइजीको सहायक अनि ब्याटिंग प्रशिक्षक नियुक्त गरिएको छ। फ्रेञ्चाइजीले एउटा भीडियो जारी गरी यसको घोषणा गरेको छ। ४४ वर्षीय युवराजले भारतको २००७ टी२० विश्व कप र २०११ वनडे विश्व कपको जीतमा महत्त्वपूर्ण भूमिका निर्वाह गरेका थिए। अब उनले यस फ्रेञ्चाइजीको साथ आफ्नो आईपीएल कोचिंग करियरको शुरुवात गर्नेछन्। उनले हालका वर्षहरूमा धेरै स्थापित अनि उदीयमान भारतीय क्रिकेटरहरूका मार्गदर्शन गरेका छन्। युवराजको दिल्ली फ्रेञ्चाइजीसँग पहिलादेखि पनि इतिहास रहेको छ। उनलाई २०१५-को लिलामीमा दिल्ली क्यापिटल्सले (त्यस समय दिल्ली डेयरडेविल्स) १६ करोड़ रुपियाँको मूल्यमा खरीद गरेको थियो अनि उनले त्यस सीजनको सबै १४ वटा म्याच खेलेका थिए। आफ्नो नियुक्तिमाथि युवराजले भने, म दिल्ली क्यापिटल्ससँग आफ्नो जीवनको एउटा नयाँ अध्याय शुरु गर्न उत्साहित छु। फ्रेञ्चाइजीसँग मेरो पुरानो नाता रहेको छ अनि म मालिकहरूलाई राम्ररी चिन्छु, जसले मेरो निम्ति यसलाई एउटा विशेष अवसर बनाउँछ। उल्लेखनीय छ, दिल्ली क्यापिटल्सले केही दिन अघि मात्र भारतका पूर्व कप्तान सौभर गांगुलीलाई टोलीको मुख्य प्रशिक्षक नियुक्त गरेको थियो। युवराजले बताएअनुसार, उनी गांगुली अनि टोलीका कोचिंग स्टाफहरूसँग मिलेर काम गर्न उत्सुक छन्। युवराजले आफ्नो आईपीएल करियरको अवधि १३२ वटा म्याच खेलेर २७५० रन बनाउनको साथै ३२ विकेट पनि लिएका थिए। युवराजले अभिषेक शर्मा र शुभमन गिल जस्ता खेलाड़ीहरूसँग केही सालदेखि काम गरेका छन्। उनको मार्गदर्शनमा यी दुईजनाले आफ्नो करियरलाई अलग उँचाईमा पुऱ्याएका छन् अनि अहिले भारतीय टोलीको स्तम्भ बनिसकेका छन्। युवराज अन्य केही खेलाड़ीहरूलाई अघि बढ़ाउनमा पनि सामेल रहेका छन्। विशेषगरी अभिषेकसँग उनको अलग घनिष्ठता रहेको छ, जसले गर्दा देब्रे हातका यस ब्याटरले टी२० अन्तर्राष्ट्रियमा आफ्नो अलग पहिचान बनाएका छन्। अब युवराजको व्यापक अनुभव दिल्ली क्यापिटल्सको कोचिंग सेटअपको निम्ति मूल्यवान साबित हुनेछ।