शंघाई मास्टर्सको दोस्रो राउण्डमा हुर्काजविरुद्ध दिग्गज जोकोविचको सीधा सेटमा हार

IMG-20261010-WA0059

शंघाई: दिग्गज टेनिस खेलाड़ी नोवाक जोकोविचलाई शंघाई मास्टर्स २०२६ टुर्नामेण्टमा ठूलो झट्का लाग्यो। रेकर्ड २४ पल्टका ग्राण्ज स्ल्याम च्याम्पियन सर्बियाका जोकोविच दोस्रो राउण्डमा पोल्याण्डका ह्यूबर्ट हुर्काजविरुद्ध सीधा सेटमा पराजित भएर टुर्नामेण्टबाट बाहिर भए। हुर्काजले म्याचमा ६-४, ६-३-ले जीत हासिल गरे। बेजिंगमा खिताब जितेर शंघाई पुग्ने जोकोविचले यस हारको साथ रोजर फेडररको करियर एटीपी खिताबहरूको रेकर्डको बराबरी गर्ने मौका पनि गुमाए। शंघाईमा चाहिँ जोकोविचले केवल ८७ मिनटमा हारको सामना गर्नु पऱ्यो। पोल्याण्डका खेलाड़ीले आफ्नो शक्तिशाली सर्विस र सटीक बेसलाइन शट्सद्वारा सर्बियाई दिग्गजलाई शुरुदेखि नै दबाउमा राखे। जोकोविचलाई पूरा म्याचमा हुर्काजको सर्विसको प्रभावी जवाफ खोज्नमा व्यस्त देखियो। यो हुर्काजको जोकोविचविरुद्ध ९ वटा म्याचमा पहिलो जीत हो। सर्बियाका खेलाड़ी शंघााई मास्टर्समा असाधारण लयको साथ पुगेका थिए। उनले बेजिंगमा चाइना ओपनको खिताब जितेका थिए, जुन उनको करियरको १०२औं टूर लेवल खिताब थियो। फाइनलमा उनले अष्ट्रेलियाका एलेक्स डी मिनौरलाई पराजित गरेका थिए। शंघाईमा पनि उनीबाट असल प्रदर्शनको आशा गरिएको थियो कारण उनी यस टुर्नामेण्टमा ४ पल्टका च्याम्पियन हुन्। आत्मविश्वासको साथ कोर्टमा ओर्लिए पनि हुर्काजविरुद्ध हारले उनको अभियान चाँड़ै समाप्त भयो। शंघाईको हारपछि जोकोविच स्विट्जरल्याण्डका दिग्गज फेडररको १०३ वटा करियर एटीपी खिताबको बराबरी गर्नदेखि केवल एक कदम टाढ़ा रहे। हुर्काजविरुद्ध सीधा सेटमा हारपछि ३९ वर्षीय जोकोविचको निम्ति अब सीजनका रहल टुर्नामेण्टहरूमा पुनरागमन गर्नु महत्त्वपूर्ण हुनेछ। हुर्काजले म्याचमा आफ्नो पहिलो सर्विसमा असाधारण प्रदर्शन गरे। उपलब्ध एटीपी आंकड़ाहरू अनुसार, उनले आफ्नो पहिलो सर्विसमा ८२ प्रतिशत अंक जिते। म्याचको शुरुवाती चरणमा जोकोविचले तेस्रो गेममा २ ब्रेक पोइण्ट हासिल गरेका थिए तर हुर्काजले दुवै बचाए। त्यसपछि पोल्याण्डका खेलाड़ीले लय कायम राखे अनि जोकोविचलाई म्याचमा फर्किने अधिक मौका दिएनन्। म्याचपछि जोकोविचले बेजिंगको सफलता अनि शंघाईको निराशाजनक प्रदर्शनमाथि आफ्नो प्रतिक्रिया दिए। उनले भने, बेजिंग असाधारण रह्यो अनि यहाँ चाँड़ै बाहिर भएँ तर यो सब खेलको हिस्सा हो। अब म सामान्य आराम गरेर इण्डोर सीजनको तयारी गर्न उत्सुक छु।

About Author

Advertisement