कोलकाता: आउँदो ३ वर्षमा राज्यमा सीएनजी बसहरू आउनेछन्। राज्यका यातायात मन्त्री फिरहाद हाकिमले यस्तो बताएका हुन्। उनले यातायातलगायत धेरै राजनीतिक विषयमा कुरा गरे। सन् २०२४ को  लोकसभा चुनावको बारेमा फिरहाद हाकिमले भने, ‘यदि सन् २०२४ मा केन्द्रको शक्ति परिवर्तन भएन भने, यो आउँदो दिनहरुका लागि कालो दिन हुनसक्छ। नोटबन्दीका बेलादेखि शुरु भएको कालो दिन अहिलेको केन्द्रको नीतिका कारण जारी छ। सीएनजी र ब्याट्रीबाट चल्ने बसलाई करमुक्त बनाएका छौं। पुराना बसलाई सीएनजी र ईबसमा परिणत गरिँदैछ। बसको आयु पनि ५ वर्ष र अधिकतम उमेर १५ बाट २० वर्ष बढाइएको छ।

यातायातको सम्पदा ट्रामको बारेमा मन्त्री फिरहाद हकिमले भने, ‘ट्रामहरू कोलकाताको सम्पदा हुन्, त्यसैले ट्रामहरू चयन गरिएका मार्गहरूमा चलाइनेछ। यसका लागि पनि शून्य उत्सर्जन हाम्रो मुख्य लक्ष्य हो।’ राज्यमा सीएनजी बसको संख्या बढाउने प्रयास निरन्तर भइरहेको छ। हाल ८० सीएनजी बस चलिरहेका छन्, हालै थप १० वटा बस उद्घाटन गरिएको छ। हाल ९० सीएनजी बस चलिरहेका छन् भने जुलाई महिनाभित्र थप १२५ बस ल्याउने लक्ष्य छ। फिरहाद हाकिमले भने, ‘हाम्रो अर्डर कुल १२०० सीएनजी बसहरूको लागि हो, जुन आउँदो ३ वर्षसम्म धेरै चरणहरूमा आउनेछ।’