​गान्ताेक। भारतका प्रधानमन्त्री नरेन्द्र मोदीको ७६औँ जन्मोत्सवको पावन अवसरमा सिक्किम सरकार तथा सम्पूर्ण सिक्किमबासीका तर्फबाट हार्दिक बधाई तथा शुभकामना व्यक्त गरिएको छ।
​शुभकामना सन्देशमा प्रधानमन्त्री मोदीको अमूल्य मार्गदर्शन, सहयोग र अभिभावकत्व सिक्किमका लागि सधैँ आशा र आत्मविश्वासको ठूलो स्रोत बनेको उल्लेख गरिएको छ। सिक्किम राज्यको ५०औँ वर्षगाँठ (स्वर्ण जयन्ती) को समापन समारोहमा उहाँको गरिमामय उपस्थिति, सिक्किमको प्राकृतिक सौन्दर्य, धनी सांस्कृतिक सम्पदा, पर्यटन सम्भावना र विभिन्न क्षेत्रका उपलब्धिको प्रशंसाले यहाँका जनतामा ठूलो उत्साह र गर्व थपेको स्मरण गरिएको छ। प्रधानमन्त्रीको सिक्किम र उत्तर-पूर्व (पूर्वोत्तर) क्षेत्रप्रतिको विशेष स्नेह र निरन्तरको सहयोग प्रति आभार प्रकट गरिएको छ।
​पूर्वोत्तर क्षेत्रको विकास र समृद्धिका लागि उहाँको प्रतिबद्धता र “विकसित भारत @२०४७” को प्रेरणादायी दूरदृष्टिको उच्च सराहना गरिएको छ। साथै, हालै सम्पन्न ब्रिक्स शिखर सम्मेलनको सफल आयोजनाले विश्वमञ्चमा भारतको बढ्दो कदलाई थप उचाइमा पुर्‍याएको सन्देशमा उल्लेख छ।
​यस विशेष दिनमा प्रधानमन्त्रीको सुस्वास्थ्य, दीर्घायु, प्रसन्नता र अटल निष्ठाका साथ देश सेवामा लागिरहने ऊर्जाका लागि ईश्वरसँग प्रार्थना गरिएको छ। आउने वर्षहरूमा ‘विकसित भारत’ को यात्रामा अझ धेरै माइलस्तम्भहरू हासिल हुँदै जाओस् र सिक्किम लगायत सम्पूर्ण पूर्वोत्तर क्षेत्र शान्ति, समृद्धि र विकासतर्फ अघि बढ्न सकोस् भन्ने कामना गरिएको छ।