लण्डन: ईंग्लिश प्रीमियर लीगको नयाँ सीजनको बहुप्रतीक्षित म्यानचेष्टर डर्बी-मा म्यानचेष्टर सिटीले रोमाञ्चक जीत हासिल गऱ्यो। आइतवार राति खेलिएको म्याचमा दशजना खेलाड़ीमा सीमित म्यानचेष्टर सिटीले चीरप्रतिद्वन्द्वी म्यानचेष्टर युनाइटेडलाई १-०-ले पराजित गऱ्यो। यस अवे म्याचमा ४६ प्रतिशत बल पोजेशनको साथ साथ खेल्ने सिटीलाई आधा घण्टा पनि नभइ ठूलो झट्का लाग्यो। विपक्षी फरवर्ड ब्रूनो फर्नाण्डेजलाई खुट्टाले हिर्काउँदा म्यानचेष्टर सिटीका फरवर्ड फिल फोडेनले रातो कार्ड देखेर मैदान छोड़नु पऱ्यो। त्यसपछि रहल समयमा सिटीले केवल दशजना खेलाड़ीको साथ लड़ाइँ गर्नु पऱ्यो। विपक्षी टोली दशजना खेलाड़ीमा सीमित भए पनि आफ्नो घरेलु मैदान ओल्ड ट्रेफर्डमा खेलिरहेको म्यानचेष्टर युनाइटेडले फाइदा उठाउन सकेन। यसबीच मौकाको खोजमा रहने म्यानचेष्टर सिटीले दोस्रो हाफको खेलमा गोल हासिल गऱ्यो। असाधारण लयमा रहने एर्लिंग हालाण्डले जोस्को भार्डियलको पासमा गोल गरी सिटीलाई बढ़त दिलाए। नर्वेका स्टार फरवर्डले ६०औं मिनटमा दिलाएको बढ़त नै अन्तमा सिटीको निम्ति निर्णायक साबित भयो। म्यानचेष्टर युनाइटेडले लगातार आक्रमण गरे पनि गोल गर्न सकेन। यस जीतको साथ म्यानचेष्टर सिटी ४ वटा म्याचमा १२ अंकको साथ गोल अन्तरको आधारमा प्रीमियर लीग अंक तालिकाको दोस्रो स्थानमा रहन पुग्यो। आर्सनल शीर्षमा रहेको छ। यसरी म्यानचेष्टर युनाइटेड नयाँ सीजनको दोस्रो हारको साथ केवल ४ अंक लिएर १३औं स्थानमा रहेको छ। यसरी अन्य एउटा म्याचमा ब्राइटनले कोवेण्ट्रीविरुद्ध ५-०-ले एकतर्फी जीत हासिल गऱ्यो। यस जीतको साथ ब्राइटन ७ अंक लिएर चौथो स्थानमा रहन पुग्यो।