शंघाई: भारतका सात्विकसाईराज रंकीरेड्डी र चिराग शेट्टीको स्टार जोड़ीले असाधारण प्रदर्शन गर्दै चीन मास्टर्स ७५० ब्याडमिण्टन टुर्नामेण्टमा पुरुष युगल वर्गको सेमिफाइनलमा प्रवेश गऱ्यो। चौथो वरीयता प्राप्त भारतीय जोड़ीले असाधारण प्रदर्शन गर्दै डेनमार्कका किम एस्ट्रूप र एण्डर्स रासमुसेनको जोड़ीलाई तीन गेममा पराजित गऱ्यो। सात्विक र चिरागको जोड़ीले १७औं ऱ्याङकिंग भएको डेनमार्कको जोड़ीलाई २१-१३, १६-२१, २१-१८-ले पराजित गऱ्यो। म्याच एक घण्टा १० मिनटसम्म चल्यो। यो एस्ट्रूप र रासमुसेनको जोड़ीविरुद्ध ११ वटा म्याचमा भारतीय जोड़ीको पाँचौं जीत हो। यसरी यी दुई जोड़ीबीच २०२४ पछि यो पहिलो भिड़न्त थियो। म्याचमा सात्विक र चिरागको जोड़ीले आक्रामक शुरुवात गऱ्यो। यसरी भारतीय जोड़ीले शुरुमै ५-१-को बढ़त हािल गरेपछि पछि फर्किएर हेरेन। अन्तमा सात्विक-चिरागको जोड़ीले २१-१३-ले गेम जितेर १-०-को बढ़त हासिल गऱ्यो। दोस्रो गेमदेखि चाहिँ एस्ट्रूप र रासमुसेनको जोड़ीले रणनीति बदलियो। विशेषगरी एस्ट्रूपको नेट प्ले-ले भारतीय खेलाड़ीहरूलाई समस्यामा पाऱ्यो। नेटमा डेनमार्कका जोड़ीको असाधारण टच र गतिमा बदलाउले सात्विक-चिरागको जोड़ीलाई आक्रामक शैलीको निम्ति जरूरी लम्बाई हासिल गर्नमा समस्या भयो। डेनमार्कको जोड़ीले मिड-कोर्ट र फ्रण्ट कोर्टलाई पनि असाधारण तरिकाले कवर गर्दै दोस्रो गेममा २१-१६-ले जीत हासिल गर्दा म्याच निर्णायक गेमसम्म पुग्यो। तेस्रो गेममा पनि भारतीय जोड़ीको शुरुवात असल रहेन। सात्विक र चिरागको जोड़ी एक समय ५-९-ले पछि रहेको थियो। त्यसपछि यस जोड़ीले हतार नगरी धैर्य कायम राख्यो अनि डेनमार्कको जोड़ीको रणनीतिमा कमजोरीहरू खोज्न थाल्यो। ब्रेकसम्म भारतीय जोड़ीले अन्तरलाई घटाएर केवल २ अंक पुऱ्यायो। त्यसपछि सात्विक र चिरागको जोड़ीले आक्रमकता बढ़ाउनको साथै म्याचको गति आफ्नो पक्षमा गर्न शुरु गऱ्यो। स्कोर १५-१५-को बराबरीमा पुगेरपछि म्याच रोमाञ्चक बन्यो। निर्णायक क्षणहरूमा भारतीय जोड़ीले लगातार आक्रमण गर्दै ३ म्याच पोइण्ट हासिल गऱ्यो। एस्ट्रूप र रासमुसेनको जोड़ीले एक म्याच पोइण्ट बचाए पनि भारतीय जोड़ीले अघिल्लो मौका गुमाएन अनि २१-१८-ले गेम जितेर सेमिफाइनलमा स्थान पक्का गऱ्यो। यस जीतको साथ सात्विक-चिरागको जोड़ीले चीन मास्टर्समा लगातार चौथोपल्ट सेमिफाइनलमा प्रवेश गऱ्यो। भारतीय जोड़ी २०२३ र २०२५-मा यस टुर्नामेण्टमा उपविजेता रहेको थियो जबकि २०२४-मा उनीहरूले सेमिफाइनलमा हारको सामना गर्नु परेको थियो।