​जलपाईगुडी: सिलगढी-जलपाईगुडी राष्ट्रिय राजमार्गअन्तर्गत दासदर्गा क्षेत्रको घोषपारा लाल स्कूल नजिकै बुधबार एउटा निजी यात्रुवाहक बस र कार आपसमा ठोक्किँदा ३ जना घाइते भएका छन्।
​प्राप्त जानकारी अनुसार निजी बस सिलगढीबाट अलीपुरद्वारतर्फ जाँदै थियो भने कार विपरीत दिशाबाट सिलिगुडीतर्फ आइरहेको थियो। सोही क्रममा दुई सवारी साधन आपसमा ठोक्किएका हुन्।
​टक्करपछि कार सडकबाट धेरै मिटर टाढा हुत्तिएर नराम्ररी क्षतिग्रस्त भएको छ। दुर्घटनामा कारमा सवार ३ जना घाइते भएका छन्। स्थानीय बासिन्दाको सहयोगमा घाइतेहरूको उद्धार गरी उपचारका लागि फुलबारीस्थित एउटा निजी अस्पतालमा पठाइएको छ।
​दुर्घटनाको सूचना पाएलगत्तै जलपाईगुडी कोतवाली थानाको प्रहरी टोली घटनास्थल पुगेको थियो। प्रहरीले क्षतिग्रस्त सवारी साधनहरूलाई नियन्त्रणमा लिई घटनाको अनुसन्धान सुरु गरेको छ।