सांसद राजु बिष्टद्वारा डिजिटल क्रान्तिको प्रशंसा

​सिलगढी: भारतमा एकीकृत भुक्तानी प्रणाली (युपीआई) सञ्चालनमा आएको १० वर्ष पूरा भएको अवसरमा सांसद राजु बिष्टले यसलाई डिजिटल क्रान्तिको एक दशकका रूपमा चित्रण गर्नुभएको छ।
​प्रधानमन्त्री नरेन्द्र मोदीको दूरदर्शी नेतृत्वमा सुरु भएको ‘डिजिटल इन्डिया’ अभियानले भारतको भुक्तानी प्रणालीलाई पूर्ण रूपमा रूपान्तरण गरेको सांसद बिष्टले बताउनुभएको छ। यस प्रविधिले कारोबारलाई तीव्र, सरल, सहज र सर्वसुलभ बनाएको उहाँको भनाइ छ।
​साना सडक व्यापारीदेखि ठूला उद्योगी-व्यवसायीसम्मलाई युपीआईले सशक्त बनाएको उल्लेख गर्दै सांसद बिष्टले यसले नागरिकमाझ विश्वास बढाएको र भारतलाई डिजिटल अर्थतन्त्रतर्फ द्रुत गतिमा अघि बढाएको उल्लेख गर्नुभयो। ‘स्क्यान, ट्याप र पे’ को एक दशकले भारतलाई डिजिटल भुक्तानीका क्षेत्रमा विश्वकै लागि एक बेन्चमार्क (उत्कृष्ट नमुना) को रूपमा स्थापित गरेको उहाँले दाबी गर्नुभयो।