मृतकका परिवारलाई पाँच लाख क्षतिपूर्ति र रोजगारी

जलपाईगुडी: हात्तीको आक्रमणबाट एक जनाको मृत्यु भएको छ। घटना जलपाईगुडी सदर ब्लकको बरोप्टिया ग्राम पञ्चायतको देवनियापाडा क्षेत्रको हो। जानकारी अनुसार हिजो राति घरमा सुतिरहेका एक व्यक्तिलाई हात्तीको बथानले अचानक आक्रमण गरेको थियो। मृतकको नाम नीलकण्ठ तोराव (६०) रहेको छ ।हिजो राति धानबारीमा हात्तीको बथानले पहिले हंगामा मच्चाएपछि गाउँकै एक व्यक्तिलाई आक्रमण गरी हत्या गरेको स्थानीयवासीले बताएका छन्। बिहान सात बजे आफन्तले मृतकलाई देखेका थिए। दुर्घटनाको खबर पाएलगत्तै बेलकोवा रेन्जका अधिकारी र कोतवाली प्रहरी घटनास्थलमा पुगेर स्थितिबारे जानकारी लिएका थिए। प्रहरीले शवलाई पोस्टमार्टमका लागि जलपाईगुडी सुपर स्पेशलिटी अस्पतालमा पठाएको छ। यहाँ जलपाईगुडीको बेलाकोबाका रेन्जर सञ्जय दत्तले वन विभाग मृतकका परिवारको साथमा रहेको बताए।सरकारको नियमअनुसार मृतकका परिवारलाई ५ लाख रुपैयाँ र रोजगारी दिइनेछ। उक्त क्षेत्रमा वन विभागका कर्मचारीले गस्ती गरिरहेका छन्। केही बेइमानले हात्तीको करिडोर बन्द गरेको उनले बताए। त्यसको विरुद्धमा अभियान चलाउने छौँ। हातको आवतजावतमा निगरानी राख्न वन विभागका कर्मचारीसहित स्थानीयवासीका २५ जना युवा स्वयंसेवकका रूपमा गाउँका विभिन्न क्षेत्रमा खटिएका छन्।