ब्यूनस आयर्स: अर्जेण्टिना र इण्टर मियामीका दिग्गज फूटबलर लियोनल मेस्सीका पिता जर्ज मेस्सीको ६८ सालको उमेरमा निधन भयो। जर्ज लामो समयदेखि स्वास्थ्य सम्बन्धी समस्याहरूसँग जुझिरहेका थिए। मेस्सीले पनि हालै उनको परिवार मुश्किल समयमा रहेको संकेत दिएका थिए तर उनले आफ्नो पिताको बिमारी या उनको स्थितिबारे चाहिँ कुनै जानकारी साझा गरेका थिएनन्। जर्जको स्वास्थ्यलाई लिएर अलग-अलग खबरहरू अघि आएपछि मेस्सी परिवारले एउटा बयान जारी गरी स्थिति स्पष्ट गरेको थियो। परिवारले जर्ज स्वास्थ्य सम्बन्धी समस्याहरूसँग जुझिरहेको अनि चिकित्सीय नजरदारीमा उपचार चलिरहेको बताएको थियो। जर्जको स्थितिमा सुधार आएको पनि बयानमा भनिएको थियो। जर्जको अस्वस्थताको असर मेस्सीको कार्यक्रममा पनि परेको थियो। जुलाईको अन्तमा ३९ वर्षीय मेस्सीले मेजर लीग सकर अल स्टार म्याचमा हिस्सा लिएनन्। मीडिया रिपोर्टहरू अनुसार, उनी आफ्नो पितासँग समय बिताउन अर्जेण्टिना गएका थिए। त्यसको केही दिनपछि मेस्सी इण्टर मियामीको तर्फबाट मेजर लीग सकरको म्याच खेल्न फर्किएका थिए। मेस्सीको करियरमा उनका पिता जर्जको ठूलो भूमिका रहेको छ। अर्जेण्टिनाको रोसारियो शहरमा एकजना युवा खेलाड़ीको रूपमा मेस्सीको शुरुवाती दिनहरू पछि विश्व फूटबलका महानतम खेलाड़ीहरूमा सामेल हुनेसम्म, जर्ज सदा उको साथमा रहेका थिए। उनले लामो समयसम्म मेस्सीको एजेण्टको रूपमा पनि काम गरेका थिए अनि उनको पेशादार करियरलाई अघि बढ़ाउनमा महत्त्वपूर्ण भूमिका निर्वाह गरेका थिए।