नयाँ दिल्ली: इजिप्टका कप्तान मोहामेद सालाह ईंग्लिश प्रीमियर लीग क्लब लिभरपूल छोड़ेपछि २ सालको अनुबन्धमा ट्रेबजोनस्पोरमा सामेल भएका छन्। सालाहले लिभरपूलमा यादगार ९ साल बिताए। त्यसपछि उनले तुर्किये सुपर लीग क्लबमा फ्री ट्रान्सफरको माध्यमले सामेल हुने फसेला गरेका छन्। यो कदम सालाह र लिभरपूलबीच आपसी सहमतिले अनुबन्धलाई एक साल अघि समाप्त गर्ने फसेलापछि उठाइएको छ, जसले २०२५-२६ सीजनपछि एनफील्डमा उनको कार्यकाल समाप्त भयो। सालाहले क्लब छोड़नको साथै लिभरपूलको आधुनिक इतिहासको सबैभन्दा सफल अध्यायहरूमा एकको समापन भयो। सालाह २०१७-मा इटलीको क्लब एएस रोमाबाट लिभरपूल आएका थिए। त्यसपछि इजिप्टका फरवर्डले क्लबको अहिलेसम्मका सबैभन्दा महान खेलाड़ीहरूमा आफ्नो स्थान बनाउँदै लिभररपूलको घरेलु र यूरोपेली सफलतामा महत्त्वपूर्ण भूमिका निर्वाह गरे। सालाहले लिभरपूललाई २ वटा प्रीमियर लीग खिताब, यूएफा च्याम्पियन्स लीग, फिफा क्लब वर्ल्ड कप, यूएफा सुपर कप, एफए कप, २ वटा लीग कप र एफए कम्युनिटी शील्ड जित्नमा सहायता गरे। यस फरवर्ड खेलाड़ीले मर्सीसाइड क्लबको निम्ति ४३५ वटा म्याच खेलेर २५५ गोल गरे। उनी लिभरपूलको इतिहासमा सर्वाधिक गोल गर्ने खेलाड़ीहरूका सूचीमा तेस्रो स्थानमा छन्। सालाहले ४ पल्ट प्रीमियर लीग गोल्डन बूट पनि जिते।
लिभरपूलमा सालाहको अन्तिम सीजन चाहिँ चुनौतीपूर्ण रह्यो अनि उनले नियमित रूपमा प्रथम एकादशमा स्थान पाएनन्। तत्कालीन मुख्य प्रशिक्षक अर्ने स्लटसँग सालाहको सम्बन्ध खराब भएको थियो। यसैकारण दुवै पक्षले उनको अनुबन्धलाई समय अघि नै समाप्त गर्नमा सहमति जनायो। लिभरपूलसँग अध्याय समाप्त भएपछि ३४ वर्षीय खेलाड़ी अब तुर्कियेमा ट्रेबजोनस्पोरसँग एउटा नयाँ चुनौतीको शुरुवात गरिरहेका छन्, जुन देशका सबैभन्दा सफल क्लबहरूमा एउटा हो। ट्रेबजोनस्पोर ७ पल्ट तुर्किये लीग च्याम्पियन रहेको छ, जसमा ६ वटा खिताब १९७६ र १९८४ बीच क्लबको वर्चस्व रहेको समयमा आएको थियो। ब्ल्याक सी क्लबले २०२२-मा सुपर लीग खिताब जितेर लीग च्याम्पियन बन्ने ३८ सालको प्रतीक्षालाई अन्त गरेको थियो।