नयाँ दिल्ली: भारतीय फूटबलमा फेरि एउटा विवाद उत्पन्न भएको छ। मिनर्वा एकाडमीका मालिक तथा भारतीय फूटबलमा जमीनी स्तरमा खेलको विकासलाई प्राथमिकता दिने रञ्जीत बजाजले भारतीय अण्डर-१५ फूटबल टोलीको म्यानेजर पदलाई लत्याएका छन्। अखिल भारतीय फूटबल महासंघ (एआईएफएफ)-से उनलाई यस पदमा नियुक्त गरेको थियो तर नियुक्तिको केही घण्टा पछि बजाजले सोशल मीडियाको माध्यमले आफ्नो फसेला सार्वजनिक गरे। एआईएफएफ-ले बजाजलाई अण्डर-१५ टोलीको म्यानेजर नियुक्त गरेर बिबियानो फर्नाण्डिसलाई चाहिँ मुख्य प्रशिक्षक पदमा कायम राखेको छ। यसबीच बजाजको भनाइअनुसार, दुवैको फूटबललाई लिएर सोच र खेल्ने शैली अलग-अलग रहेको छ। यसैकारण दुईजना एकसाथ काम गर्नु टोलीको निम्ति नोक्सानदायक साबित हुनसक्छ। रञ्जात बजाजले भनेका छन्, एआईएफएफ-ले मलाई एउटा पत्र पठाएर मलाई म्यानेजर नियुक्त गरिएको बतायो। मानिसहरूले मलाई फोन गरेर बधाई दिन थाले तर म खुशी छुइनँ। यो सबैभन्दा खराब चीज हो, जुन उनीहरूले गर्न सक्थे। बजाजले बताएअनुसार, उनको फर्नाण्डिससँग कुनै व्यक्तिगत समस्या छैन। असहमति केवल फूटबलको शैली र टोलीलाई लिएर सोचलाई लिएर रहेको छ। बजाजले भने, मेरो बिबियानोसँग कुनै समस्या छैन। हाम्रो खेल्ने शैली र सोच चाहिँ अलग रहेको छ। बो-ब्लक काउण्टर एटेकिंग शैली र हाई-प्रेस शैली सम्पूर्ण रूपले अलग हुन्छ। मैले दोस्रो प्रणालीलाई गलत भन्न खोजेको होइन तर दुवै एकदमै अलग शैली हो। हामी दुईजनाको सोच्ने तरिका अलग छ। यसैकारण यस भूमिकालाई स्वीकार गर्ने कुनै अर्थ छैन। मिनर्वा एकाडमीका मालिकको भनाइअनुसार, म्यानेजर र प्रशिक्षकको सोच नै अलग-अलग भए टोलीको निम्ति स्पष्ट रणनीति बनाउनु मुश्किल हुन्छ। उनले भने, हामी एउटै पेजमा छैनौं अनि हाम्रो सोच पनि एक छैन। यसैकारण यस पदलाई स्वीकार गर्ने कुनै अर्थ छैन। उल्लेखनीय छ, रञ्जाब बजाज गत केही समदेखि एआईएफएफ-को कट्टर आलोचकहरूमा सामेल छन्। उनले लगातार भारतमा ग्रासरूट फूटबललाई मजबूत गर्ने अनि युवा खेलाड़ीहरूका निम्ति असल सिस्टम तयार गर्ने माग गर्दै आएका छन्। उनले मिनर्वा एकाडमीको माध्यमले युवा खेलाड़ीहरू तयार गर्नमा जोर दिएका छन्।