​सिलगढी: सिलगढी पुलिस कमिश्नरेटले अनलाइन साइबर ठगीबाट बच्न नागरिकहरूलाई नक्कली एपीके फाइलहरूप्रति सतर्क रहन विशेष चेतावनी जारी गरेको छ।
​पुलिसले जारी गरेको सचेतनामूलक डिजिटल पोस्टरमा गुगल प्ले स्टोर वा आधिकारिक एप स्टोर बाहिरका अज्ञात स्रोतबाट एपीके फाइल डाउनलोड नगर्न आग्रह गरिएको छ। आधिकारिक स्टोरमा नभएका र बाहिरबाट डाउनलोड गरिने त्यस्ता फाइलहरूले प्रयोगकर्ताको व्यक्तिगत डेटा, बैंक खाताको विवरण र गोपनीयता सजिलै चोर्न सक्ने जोखिम रहन्छ।
​’साइबर सेफ सिलगढी’ अभियान अन्तर्गत पुलिसले प्रविधि प्रयोगकर्ताहरूलाई प्रलोभनमा परेर वा नबुझी एपीके फाइलहरू मोबाइलमा डाउनलोड नगर्न र आफ्नो व्यक्तिगत तथा वित्तीय विवरण सुरक्षित राख्न अपिल गरेको छ।