उत्तरकन्यामा उच्चस्तरीय बैठकमा सहभागी

​फुलबारी: उत्तर बङ्गालको भ्रमणमा रहेका केन्द्रीय गृहमन्त्री अमित शाहले शनिबार भारत-बंगलादेश सीमा क्षेत्रअन्तर्गत फुलबारीस्थित सीमा सुरक्षा बल (बीएसएफ) को जुम्मागाछ बीओपी (बोर्डर आउट पोस्ट) को निरीक्षण गरेका छन्। उनको भ्रमणलाई मध्यनजर गर्दै सीमा क्षेत्रमा सुरक्षा व्यवस्था कडा पारिएको थियो।
​गृहमन्त्री शाहको आगमनलाई लिएर फुलबारी क्षेत्रमा निकै उत्साह देखिएको थियो। भाजपाका कार्यकर्ता र समर्थकहरूले फूलको वर्षा गर्दै परम्परागत बाजा ‘कन्सार’ बजाएर उनको भव्य स्वागत गरेका थिए। निरीक्षणका क्रममा गृहमन्त्रीले सीमा सुरक्षा र राष्ट्रिय सुरक्षाका विषयमा जानकारी लिएका छन्।

जुम्मागाछ नम्बर १८ बीओपीमा आयोजित कार्यक्रममा गृहमन्त्री शाहले वृक्षारोपण गर्नुका साथै विभिन्न विकास परियोजनाहरूको उद्घाटन र नयाँ योजनाहरूको शिलान्यास गर्ने कार्यक्रम रहेको छ। सीमा क्षेत्रको निरीक्षण र कार्यक्रमपश्चात् गृहमन्त्री शाह उत्तरकन्यातर्फ प्रस्थान गरेका छन्, जहाँ उनले प्रशासनिक र सुरक्षासम्बन्धी विषयमा उच्चस्तरीय बैठकमा सहभागिता जनाउने कार्यक्रम छ।
​