​सिलगढी: सिलगढीको गोरा मोडमा ट्राफिक ड्युटीमा खटिएका एक पुलिस अधिकारीले सडकमा फेला पारेको महँगो एन्ड्रोइड मोबाइल फोन सुरक्षित रूपमा सम्बन्धित धनीलाई हस्तान्तरण गरेका छन्।
​ड्युटी गरिरहेका बेला फेला परेको उक्त मोबाइल फोनका बारेमा पुलिसले आवश्यक अनुसन्धान गरी वास्तविक धनीको पहिचान गरेको थियो। सम्बन्धित धनी पुलिस थानामा उपस्थित भएपछि आवश्यक कागजात र पहिचान पुष्टि (भेरिफिकेसन) गरेर मोबाइल बुझाइएको हो। आफ्नो हराएको फोन फिर्ता पाएपछि मोबाइल धनीले पुलिस प्रशासनप्रति आभार प्रकट गरेका छन्।
​सिलिगुढी पुलिस कमिसनरेटले यस कार्यमार्फत जनताको सेवा, इमानदारिता, व्यावसायिकता र द्रुत सहयोगका लागि पुलिस सदैव प्रतिबद्ध रहेको सन्देश प्रवाह गरेको छ।