इस्लामाबाद: पाकिस्तानका प्रधानमन्त्री शहबाज सरिफले सुरु गरेको ‘मैङ्गो डिप्लोमेसी’ (आम कूटनीति) को चर्चा अहिले अन्तर्राष्ट्रिय मञ्चमा निकै चुलिएको छ। यसै सिलसिलामा हंगेरीका प्रधानमन्त्री पिटर म्याग्यारले पाकिस्तानबाट उपहारस्वरूप प्राप्त आँपको तस्बिर सामाजिक सञ्जालमा साझा गर्दै टर्कीका राष्ट्रपति रेसेप तैयप एर्दोगानमाथि रोचक व्यङ्ग्य कसेका छन्।​प्रधानमन्त्री म्याग्यारले एक्स (ट्विटर) मा लेखेका छन्, “सबैले उपहारमा रिभल्भर मात्र दिँदैनन्। एक ऐतिहासिक दिनको अन्त्यमा मेरो कार्यालयमा एउटा सुन्दर सरप्राइज मेरो प्रतीक्षा गरिरहेको थियो। हामीलाई पाकिस्तानका प्रधानमन्त्रीबाट उपहारस्वरूप ९० वटा उत्कृष्ट आँप प्राप्त भयो।” उनले जिस्कँदै थपेका छन् कि यी स्वादिला आँप आइपुगेको एक घण्टाभित्रै प्रायः सबै सकिएका छन् र केही मात्र बाँकी बचेका छन्।​एर्दोगानको ‘मैग्नम रिभल्भर’ माथि व्यङ्ग्यहंगेरीका प्रधानमन्त्रीको यो पोष्ट सिधै टर्कीका राष्ट्रपति एर्दोगानप्रति लक्षित थियो। गत हप्ता टर्कीको राजधानी अंकारामा सम्पन्न नाटो शिखर सम्मेलनका क्रममा राष्ट्रपति एर्दोगानले हंगेरीका नेता म्याग्यारसहित सहभागी राष्ट्रप्रमुखहरूलाई व्यक्तिगत नाम कुँदिएको र गोलीसहितको .३५७ म्याग्नम रिभल्भर उपहार दिएका थिए।​सैनिक गठबन्धनको बैठक भए पनि कूटनीतिक भेटघाटमा बन्दुक र गोली उपहार दिएको भन्दै सामाजिक सञ्जालमा एर्दोगानको आलोचना पनि भइरहेको छ। कतिपय प्रयोगकर्ताहरूले यसलाई ‘धम्कीपूर्ण इसारा’ का रूपमा समेत अर्थ्याएका छन्।​पाकिस्तानको ‘मैङ्गो डिप्लोमेसी’पाकिस्तानले आफ्नो मुलुकका फलफूललाई अन्तर्राष्ट्रिय बजारमा प्रवर्द्धन गर्न र मित्र राष्ट्रहरूसँगको कूटनीतिक सम्बन्ध सुमधुर बनाउन यस महिनाको सुरुमा विश्वका ७६ देशका राष्ट्रप्रमुख तथा विशिष्ट कूटनीतिज्ञहरूलाई ३४ टन आँप उपहार पठाउने निर्णय गरेको थियो। यो परिमाण ६ हजार ८ सयभन्दा बढी बक्सहरूमा प्याक गरी साउदी अरब, टर्की, चीन र बेलायत जस्ता मुलुकहरूमा पठाइएको छ, जसमध्ये हंगेरी पुगेको आँपको बक्स अहिले विशेष चर्चाको विषय बनेको छ।