भेंकूवर: चरम रोमाञ्च र उत्तेजनाले भरिएको म्याचमा जीत हासिल गरी स्विट्जरल्याण्डले फिफा वर्ल्ड कप २०२६-को क्वार्टर फाइनलमा प्रवेश गऱ्यो। मंगलवार भारतीय समय अनुसार अबेर राति खेलिएको चरम प्रतिस्पर्धी म्याचमा स्विट्जरल्याण्डले कोलम्बियालाई पेनल्टी शूटआउटमा ४-३-ले पराजित गऱ्यो। क्यानाडाको बिसी प्लेस भेंकूवर स्टेडियममा भएको राउण्ड अफ १६-को म्याचमा जीतको साथ स्विट्जरल्याण्डले ७२ वर्षपछि वर्ल्ड कपको क्वार्टर फाइनलमा प्रवेश गऱ्यो। म्याचको निर्धारित ९० मिनट अनि त्यसपछि ३० मिनटको अतिरिक्त समयको खेलमा पनि दुवै टीमले गोल गर्न नसक्दा म्याचको फसेला पेनल्टी शूटआउटद्वारा गरियो। यसअघि नियमित अनि अतिरिक्त समयको खेलमा कोलम्बियाले असल प्रदर्शन गऱ्यो। म्याचमा ४७ प्रतिशत पोजेशनको साथ खेल्ने यस टीमले स्विट्जरल्याण्डलाई कड़ा चुनौती दिए पनि पेनल्टी शूटआउटमा दबाउलाई सहन गर्न नसक्दा हारको सम्मुखीन भयो। पेनल्टी शूटआउटमा कोलम्बियाका दुईजना खेलाड़ीले पेनल्टी मिस गर्दा स्विट्जरल्याण्डले क्वार्टरफाइलनमा पुग्ने अवसर पायो।पेनल्टी शूटआउटमा कोलम्बियाको तर्फबाट जुआन क्विण्टेरो, जामिण्टन क्याम्पाज र लुइस डियाजले मात्र गोल गरे। यसरी डेभिन्सन साञ्चेज र कुचो हर्नाण्डेजले गोलीलाई नेटमा हाल्न सकेनन्। यसको विपरीत स्विट्जरल्याण्डका ४ जना खेलाड़ीले गोलीलाई नेटमा हारे भने केवल एकजनाले मौका गुमाए। गर्दा एकजनाले गोल गर्न सकेनन् । यसमा ग्रानिट जाका, जेकी आम्दोनी, सेड्रिक इटेन र रुबेन वर्गासले गोल गरे भने म्यानुअल अकाञ्जीले स्पट किक् मिस गरे। स्विट्जरल्याण्डले यसअघि अन्तिमपल्ट १९५४-को वर्ल्ड कपमा क्वार्टर फाइनलमा स्थान बनाएको थियो। त्यसपछि चाहिँ टीम ग्रुप चरण र अन्तिम १६-मै बाहिर हुँदै आएको थियो। अब क्वार्टर फाइनलमा स्विट्जरल्याण्डको भिड़न्त वर्तमान विजेता अर्जेण्टिनासँग हुनेछ, जसले अन्य एउटा म्याचमा इजिप्टलाई ३-२-ले पराजित गऱ्यो।