​नयाँ दिल्ली, ३ जुलाई
भारतका उपराष्ट्रपति श्री सी. पी. राधाकृष्णनले एक जीवन्त लोकतन्त्रको रक्षा र सुदृढीकरणका लागि जिम्मेवार पत्रकारिता र साहसी प्रेस अपरिहार्य स्तम्भ भएको बताउनुभएको छ। नयाँ दिल्लीस्थित इन्डिया ह्याबिटेट सेन्टरमा आयोजित ‘ऑर्गनाइज़र वीकली’को ८०औँ स्थापना दिवस समारोहलाई प्रमुख अतिथिको रूपमा सम्बोधन गर्दै उपराष्ट्रपतिले उक्त विचार व्यक्त गर्नुभएको हो।
​आफ्नो सम्बोधनका क्रममा उपराष्ट्रपति राधाकृष्णनले देशमा आपतकाल (इमर्जेन्सी) लागू भएको कठिन समयमा ‘अर्गनाइजर साप्ताहिक’ ले लिएको दृढ अडान र सेन्सरसिपविरुद्ध गरेको ऐतिहासिक सङ्घर्षको स्मरण गर्नुभयो।
​उपराष्ट्रपतिले भन्नुभयो, “जब प्रेसले साहस, जिम्मेवारी र उच्च व्यावसायिक मापदण्डको पालना गर्दै जनतालाई सुसूचित गर्छ, प्रश्न सोध्छ र स्वस्थ सार्वजनिक बहसलाई प्रोत्साहन गर्छ, तब मात्र लोकतन्त्र फस्टाउँछ।”
​उक्त विशेष समारोहमा राष्ट्रिय स्वयंसेवक संघ (आरएसएस) का सरकार्यवाह (महासचिव) श्री दत्तात्रेय होसबोले, भारत प्रकाशनका प्रबन्ध निर्देशक श्री अरुण कुमार गोयल, अर्गनाइजरका सम्पादक श्री प्रफुल्ल केतकर लगायत अन्य प्रतिष्ठित व्यक्तित्वहरूको उपस्थिति रहेको थियो।