नयाँ दिल्ली: भारतीय क्रिकेट टीमले आउँदो महिना श्रीलंकाविरुद्ध २ वटा टेस्ट म्याचको सीरीज खेल्नेछ। यस सीरीजको निम्ति तारिखहरूको घोषणा गरिएको छ। पहिलो टेस्ट म्याच गालमा १५-देखि १९ अगस्तसम्म खेलिनेछ। यसरी दोस्रो टेस्ट २३-देखि २७ अगस्तसम्म सिंहलीज स्पोर्टस क्लबमा खेलिनेछ। यो सीरीज वर्ल्ड टेस्ट च्याम्पियनशीप (डब्ल्यूटीसी) २०२५-२७-को दृष्टिकोणले भारतको निम्ति महत्त्वपूर्ण रहनेछ। भारतले हालै अफगानिस्तानविरुद्ध एकमात्र टेस्ट म्याचमा जीत हासिल गरेको थियो। गत केही सालदेखि टेस्ट क्रिकेटमा भारतको रेकर्ड असल रहेको छैन। यसैकारण गौतम गम्भीरको प्रशिक्षणमा रहने टीम वर्ल्ड टेस्ट च्याम्पियनशीप तालिकामा पाँचौं स्थानमा रहेको छ। यसरी श्रीलंकाई टीम भारतदेखि एक स्थान तल छैटौं स्थानमा रहेको छ। अब २०२७-मा हुने डब्ल्यूटीसी फाइनलमा पुग्न भारतले आफ्नो रहल टेस्ट म्याचहरूमा अधिकांश नै जित्नु पर्नेछ। भारतीय टीम २०१७ पछि पहिलोपल्ट टेस्ट सीरीजको निम्ति श्रीलंका यात्रामा जानेछ। यसअघि दुई देशको क्रिकेट बोर्डबीच यस यात्रामा ३ वटा टी२० म्याचको सीरीज जोड़ने सम्भावनाहरूबारे पनि चर्चा भएको थियो। श्रीलंका क्रिकेट (एसएलसी)-को तर्फबाट जारी मीडिया विज्ञप्तिमा टी२० सीरीजबारे चाहिँ केही उल्लेख गरिएको छैन। यी दुई देशबीच टेस्ट क्रिकेटमा अहिलेसम्म ४६ पल्ट भिड़न्त भइसकेको छ। यसमा भारतले २२ वटा टेस्ट म्याच जितेर ७ वटा हारेको छ। रहल १७ वटा टेस्ट म्याच ड्र रहेको छ।