मियामी: फिफा वर्ल्ड कप २०२६-मा ब्राजील र मोरक्कोले ग्रुप सी-बाट नक्आउट राउण्डमा प्रवेश गऱ्यो। ब्राजीलले स्टार फरवर्ड विनिसियस जूनियरको २ गोलको सहायताले लगातार दोस्रो जीत हासिल गऱ्यो। मियामी स्टेडियममा बुधवार अबेर राति खेलिएको म्याचमा ५ पल्टको च्याम्पियन ब्राजीलले स्कटल्याण्डलाई ३-०-ले पराजित गऱ्यो। विजेता टीमबाट रियल म्याड्रिडका फरवर्ड विनिसियस जूनियरले मध्यान्तर अघि नै २ गोल गरे। रहल एउटा गोल माथेउस कुन्हाले गरे। फिफा वर्ल्ड कप २०२६-मा ग्रुप चरणको अन्तिम चरणमा अहिले एकै समयमा २ वटा गरेर म्याच खेलिँदैछ। फिफाले कुनै पनि टीमले अन्य म्याचको नतीजाको फाइदा उठाउन नसकोस् भन्ने सुनिश्चित गर्न यस्तो फसेला लिएको छ। मियामी गार्डन्समा खेलिएको म्याचमा ब्राजीलले शुरुदेखि नै स्कटल्याण्डमाथि दबाउ सृष्टि गऱ्यो। यसैको फलस्वरूप विनिसियस जूनियरले सातौं मिनटमै टीमलाई शुरुवाती बढ़त दिलाए। त्यसपछि मध्यान्तरको ठीक अघि इञ्ज्युरी टाइमको तेस्रो मिनटमा गोल गरी विनिसियस जूनियरले ब्राजीलको बढ़तलाई दोब्बर पारे। मध्यान्तर अघि स्कटल्याण्डले बीच-बीचमा आक्रमण गरे पनि त्यसको फाइदा उठाउन सकेन। ब्राजीलले दोस्रो हाफमा पनि शुरुमै गोल हासिल गऱ्यो। कुन्हाले ६०औं मिनटमा टीमको निम्ति तेस्रो तथा अन्तिम गोल गरे। म्याचमा २ गोल गर्ने विनिसियस जूनियरले प्लेयर अफ द म्याचको ट्रफी जिते। यस म्याचको सबैभन्दा ठूलो आकर्षण नेमारको मैदानमा पुनरागमन रह्यो। खुट्टाको चोटलले गर्दा शुरुवाती २ वटा म्याच खेल्न नसक्ने स्टार फरवर्डले ७६औं मिनटमा मैदानमा प्रवेश गरे। स्टेडियममा उपस्थित ब्राजीलका समर्थकहरूले उनलाई भव्य स्वागत जनाए। नेमारलाई पनि मैदानमा प्रवेश गर्दा निक्कै भावुक देखियो। स्कटल्याण्डविरुद्ध जीतको साथ ब्राजील ३ वटा म्याचमा ७ अंकको साथ गोल अन्तरको आधारमा ग्रुप सी-को शीर्ष स्थानमा रहेर नक्आउट राउण्डमा पुग्यो। यस ग्रुपमा दोस्रो स्थानमा रहने मोरक्कोले पनि नक्आउट राउण्डमा प्रवेश गऱ्यो। मोरक्कोले पनि ३ वटा म्याचमा ७ अंक हासिल गऱ्यो।
ग्रुप सी-को अन्य एउटा म्याचमा २ पल्ट पछाड़िएर पनि असाधारण पुनरागमन गर्दै मोरक्कोले जीत हासिल गऱ्यो। अटलाण्टा स्टेडियममा खेलिएको यस म्याचमा यासिने बोनोउको आत्मघाती गोलले गर्दा हाइतीले १०औं मिनटमै बढ़त हासिल गऱ्यो। त्यसपछि अनुभवी फरवर्ड अचरफ हाकिमिले ३९औं मिनटमा गोल गरी मोरक्कोलाई बराबरीमा पुऱ्याए। यसको लगत्तै ४ मिनटपछि विल्सन इसिडोरले गोल गरेर हाइतीलाई फेरि एकपल्ट बढ़त दिलाए। मध्यान्तरको ठीक अघि इञ्ज्युरी टाइमको पहिलो मिनटमा फर्ममा रहने इस्माइल साइबारीले गोल गरी फेरि मोरक्कोलाई बराबरीमा पुऱ्याए। यसरी मध्यान्तरसम्म स्कोर २-२-को बराबरीमा रहेको थियो। दोस्रो हाफको खेलमा चाहिँ मोरक्कोले विपक्षी टीमलाई अधिक मौका दिएन। सुफियान रहिमिले ७८औं मिनटमा मोरक्कोलाई बढ़त दिलाएपछि गेस्सीम यासीनले ८९औं मिनटमा अझ १ गोल गरी मोरक्कोको जीत सुनिश्चित गरे। यस जीतले २०२२ वर्ल्ड कपको सेमिफाइनलिस्ट मोरक्कोलाई ग्रुपको दोस्रो स्थानमा रहेर नक्आउट राउण्डमा पुऱ्यायो। यसरी हाइतीले चाहिँ तीनैवटा म्याच हारेर ग्रुप चरणमै बिदा लियो। यसरी ३ वटा म्याचमा ४ अंकको साथ तेस्रो स्थानमा रहने स्कटल्याण्डसँग अहिले तेस्रो स्थानमा रहने सर्वश्रेष्ठ टीमहरूमा सामेल भएर नक्आउट राउण्डमा पुग्ने मौका छ।