​सिलगढी: लागुऔषध तस्करी विरुद्धको अभियानलाई निरन्तरता दिँदै विशेष अपरेशन समूह (एसओजी) र सिलिगुडी प्रहरीको संयुक्त टोलीले भारी मात्रामा ब्राउन सुगरसहित एक जनालाई पक्राउ गरेको छ। पक्राउ पर्नेमा भोला मोड क्षेत्रका बासिन्दा ३१ वर्षीय लित्तु दास रहेका छन्। प्रहरीका अनुसार विशेष सूचनाको आधारमा फुलेश्वर बजार नजिकैको जोरापानी पुल क्षेत्रमा छापामार कारबाही गर्दा शङ्कास्पद अवस्थामा रहेका दासलाई नियन्त्रणमा लिइएको थियो। खानतलासीका क्रममा उनको साथबाट २८६ ग्राम ब्राउन सुगर र एउटा मोबाइल फोन बरामद भएको छ। अभियुक्त विरुद्ध लागुऔषध नियन्त्रण ऐन (एनडीपीएस ऐन) अन्तर्गत मुद्दा दर्ता गरी बुधबार सिलिगुडी अदालतमा पेस गरिएको छ र यस नेटवर्कबारे प्रहरीले थप अनुसन्धान गरिरहेको छ।