​चुङ्थाङ: उत्तर सिक्किमको लाचेन क्षेत्रलाई चटक्कै काटेर राखेको तारुम छुको बाटो पन्छाउने अनि सुधार्ने काम अहिले कस्तो चल्दैछ भनी हेर्नलाई चुङ्थाङका एसडीएम अरुण छेत्री आफै भुइँमै ओर्लेर निरिक्षण गरेका छन्। ८६ आरसीसी, जीआरईएफले यहाँ बाटो सुचारु गर्ने काम युद्धस्तरमा गरिरहेको छ।
​निरीक्षणकै घडी एसडीएम छेत्रीले त्यहाँ खटिएका ग्रिफका कमान्डिङ अफिसर र अन्य अधिकारीहरूसँग कुराकानी गरे। उनले कामको छेकछन्द बुझ्दै पहाडको यो कसिङ्गर ठाउँमा काम गर्दा कस्ता-कस्ता अप्ठ्यारो र चुनौतीहरूको सामना गर्नु परिरहेछ, त्यसबारे पनि विस्तृत जानकारी लिए।
​समयमै काम सकिने आस
अहिलेलाई भने बाटो बनाउने काम एकदमै सही चाल र समय तालिका अनुसार नै अघि बढिरहेको देखियो। बाटो बन्द हुँदा रैती-दुनियाँ र सर्वसाधारणले निकै दुःक-कष्ट भोग्नु परिरहेको कुरालाई ध्यानमा राख्दै एसडीएमले यो काम जतिसक्दो चाँडो र समयमै फत्ते गर्नुपर्ने कुरामा विशेष जोड दिएका छन्।

अर्कोतर्फ, बोर्डर रोड्स अर्गनाइजेसन (बीआरओ) का अधिकारीहरूले पनि आफूहरूले अघि दिएको बचन अनुसार नै तोकिएको समयभित्रै यो बाटो खुलाएरै छोड्ने दह्रो भरोसा दिलाएका छन्। देशको सीमाना र पहाडको बाटो दुरुस्त राख्न उनीहरू हरदम कम्मर कसेर लागिपरेका कुरा फेरि दोहोर्‍याए।
​लाचेनबासीको आवतजावतलाई चाँडो भन्दा चाँडो सजिलो बनाउनका लागि जिल्ला प्रशासनले पनि यो कामको घडी-घडी निगरानी राखिरहेको बुझिएको छ।