डलास: फिफा वर्ल्ड कप २०२६ अघि वर्तमान च्याम्पियन अर्जेण्टिनाले आफ्नो अन्तिम अभ्यास म्याचमा जीत हासिल गऱ्यो। बुधवार खेलिएको अन्तर्राष्ट्रिय मैत्री म्याचमा अर्जेण्टिनाले आइसल्याण्डलाई ३-०-ले पराजित गऱ्यो। म्याचमा अर्जेण्टिनाको जीतभन्दा पनि अधिक चर्चा टीमका स्टार फूटबलर लियोनल मेस्सीको रह्यो, जसले चोटमुक्त भएर मैदानमा फर्किएर प्रभावशाली प्रदर्शन गरे। अलबामाको अर्बनमा खेलिएको म्याचमा अर्जेण्टिनाले शुरुदेखि नै विपक्षी टीममाथि दबाउ सृष्टि गऱ्यो। यसबीच म्याचमा पहिलो गोलको मौका चाहिँ आइसल्याण्डलाई प्राप्त भयो तर टीमले त्यसको फाइदा उठाउन सकेन। त्यसपछि अर्जेण्टिनाले पछि फर्किएर हेरेन। म्याचको आठौं मिनटमा वेलेण्टिन बार्को बक्स बाहिरबाट दर्शनीय गोल गरी अर्जेण्टिनालाई १-०-को अग्रता दिलाए। त्यसपछि पहिलो हाफको रहल समयमा अर्जेण्टिनाले लगातार आक्रमण गरे पनि दोस्रो गोल हासिल गर्न सकेन। यस अवधि टीमले आइसल्याण्डको डिफेन्समाथि लगातार दबाउ कायम राख्यो। यस म्याच अघि मेस्सीको फिटनेसलाई लिएर निक्कै चर्चा भएको थियो। इण्टर मियामीबाट खेल्दा उनले थकान र देब्रे ह्याम्स्ट्रिंगमा सामान्य यन्त्रणा अनुभव गरेका थिए। यसैकारण प्रशिक्षक लियोनल स्कालोनीले उनलाई शुरुवाती एकादशमा सामेल गरेनन्। मेस्सी दोस्रो हाफमा मैदानमा ओर्लिए अनि उनले आउन साथ म्याचको रंग बदलिए। मैदानमा ओर्लिएको केही समयपछि मेस्सीको सटीक पासमा लौटारो मार्टिनेजले गोलको मौका हासिल गरे। तेजीको साथ बक्सभित्र प्रवेश गर्ने मार्टिनेजलाई लड़ाउँदा अर्जेण्टिनालाई पेनल्टी प्राप्त भयो। त्यही मौकामा मेस्सीले ७२औं मिनटमा अर्जेण्टिनालाई म्याचको दोस्रो गोल दिलाए। सोशल मीडियामा त्यस गोलको निक्कै चर्चा भयो अनि धेरै प्रशंसकहरूले त्यसलाई मेस्सीको करियरको सर्वश्रेष्ठ पेनल्टीहरूमा एक बताएका छन्। मेस्सीको गोलपछि अर्जेण्टिनाई टीमको आत्मविश्वास अझ बढ़्यो। केही समयपछि मेस्सी र मार्टिनेजबीच असाधारण पासिंग मूभ देख्न पाइयो। त्यही मूभको फाइदा उठाउँदै थियागो अल्माडाले ८६औं मिनटमा टीमलाई म्याचको तेस्रो गोल दिलाए। आइसल्याण्डले त्यसपछि पुनरागमन गर्न सकेन अनि अर्जेण्टिनाले सजिलै म्याच जित्यो। उल्लेखनीय छ, ३९ वर्षमा कदम राख्न गइरहेका मेस्सी आफ्नो करियरको छैटौं वर्ल्ड कप खेल्न तयार छन्। उनले अर्जेण्टिनाको निम्ति अहिलेसम्म ११७ अन्तर्राष्ट्रिय गोल गरिसकेका छन्। फिफा वर्ल्ड कपमा अर्जेण्टिनासँग ग्रुप जे-मा अल्जेरिया, अष्ट्रिया र जोर्डन रहेको छ। टीमको पहिलो म्याच १७ जूनमा अल्जेरियाविरुद्ध रहेको छ।