​नयाँ दिल्ली; इतिहासमा २२ मे को दिन धेरै महत्त्वपूर्ण घटनाहरूका लागि सम्झिने गरिन्छ। विशेषगरी भारतीय खेलकुद र साहसिक उपलब्धिको दृष्टिकोणले यो दिनको निकै ठूलो महत्त्व छ। सन् १९८४ मा आजकै दिन भारतकी पहिलो महिला पर्वतारोही बछेन्द्री पालले संसारको सबैभन्दा अग्लो शिखर माउन्ट एभरेस्ट (सगरमाथा) को सफल आरोहण गरेर इतिहास रचेकी थिइन्।
​बछेन्द्री पालले यो असाधारण उपलब्धि त्यतिबेला हासिल गरिन्, जब पर्वतारोहण जस्तो कठिन क्षेत्रमा महिलाहरूको सहभागिता निकै कम थियो। उनले आफ्नो दृढ इच्छाशक्ति, साहस र कडा परिश्रमको बलमा एभरेस्ट मात्र फतह गरिनन्, बरु संसारभरिका महिलाहरूका लागि प्रेरणाको एउटा नयाँ अध्याय पनि लेखिन्।
​उत्तराखण्डको एक साधारण परिवारबाट आएकी बछेन्द्री पालले अनेकौँ चुनौती र सीमित स्रोतसाधनका बाबजुद आफ्नो लक्ष्य प्राप्त गरेकी थिइन्। एभरेस्ट अभियानका क्रममा उनले प्रतिकूल मौसम र कठिन परिस्थितिको सामना गर्नुपरे पनि कहिल्यै हिम्मत हारिनन्। पर्वतारोहण र साहसिक खेलमा उनको यही अतुलनीय योगदानलाई कदर गर्दै भारत सरकारले उनलाई देशको प्रतिष्ठित नागरिक सम्मान पद्म भूषण बाट सम्मानित गरेको थियो। आज पनि बछेन्द्री पालको नाम साहस र दृढ संकल्पको प्रतीकका रूपमा लिइन्छ।
​२२ मे का प्रमुख ऐतिहासिक घटनाक्रमहरू~
​१५४५(शेरशाह सूरीको निधन): एक विस्फोटमा परेर महान् योद्धा एवं भारतमा ‘सूर साम्राज्य’ का संस्थापक शेरशाह सूरीको मृत्यु भयो। उनले सन् १५४० मा मुगल साम्राज्यलाई आफ्नो हातमा लिएका थिए।
​१८०५(मुगल बादशाहका लागि व्यवस्था): गभर्नर जनरल लर्ड वेलेजलीले एक आदेश जारी गर्दै दिल्लीका मुगल बादशाहका लागि स्थायी प्रावधानको व्यवस्था गरे।
​१९१५(पहिलो विश्वयुद्ध): प्रथम विश्वयुद्धका दौरान इटालीले अस्ट्रिया, हंगेरी र जर्मनीविरुद्ध युद्धको घोषणा गर्‍यो।
​१९३६(ब्रेबोर्न स्टेडियमको शिलान्यास): लर्ड ब्रेबोर्नले बम्बई (अहिलेको मुम्बई) मा ‘ब्रेबोर्न स्टेडियम’ को जग बसाले, जुन भारतको पहिलो आधुनिक स्टेडियम थियो।
​१९६०(चिलीमा विनाशकारी भूकम्प): चिलीको दक्षिणी तटमा इतिहासकै सबैभन्दा ठूला भूकम्पहरूमध्ये एक गयो, जसमा परि ५,७०० जनाको मृत्यु भयो। यस भूकम्पका कारण समुद्रमा उठेको सुनामीले जापान र हवाइ जस्ता सुदूर प्रशान्त क्षेत्रहरूमा समेत ठूलो विनाश निम्त्यायो।
​१९६३(पहिलो ग्लाइटर रोहिणी): भारतको पहिलो ग्लाइडर ‘रोहिणी’ ले सफलतापूर्वक आफ्नो पहिलो उडान भर्‍यो।
​१९७२(पाकिस्तानद्वारा राष्ट्रमण्डल त्याग): पाकिस्तानले राष्ट्रमण्डल को सदस्यताबाट राजीनामा दियो।
​१९७२(अमेरिकी राष्ट्रपतिको ऐतिहासिक मस्को यात्रा): अमेरिकाका तत्कालीन राष्ट्रपति रिचर्ड एम. निक्सन मस्को पुगे। यो कुनै पनि अमेरिकी राष्ट्रपतिको सोभियत संघको पहिलो ऐतिहासिक यात्रा थियो।
​१९८४(बछेन्द्री पालको कीर्तिमान): बछेन्द्री पाल संसारको सर्वोच्च शिखर सगरमाथा फतह गर्ने पहिलो भारतीय महिला बनिन्।
​१९८८(अग्नि मिसाइलको परीक्षण): भारतले स्वदेशमै विकास गरेको अन्तरमहाद्वीपीय ब्यालिस्टिक क्षेप्यास्त्र”अग्नि’ को सफल परीक्षण गर्‍यो।
​१९९०(संयुक्त यमन गणतन्त्रको उदय): उत्तरी र दक्षिणी यमनको ऐतिहासिक विलयसँगै ‘संयुक्त यमन गणतन्त्र’ को उदय भयो।
​१९९२(संयुक्त राष्ट्र संघमा नयाँ सदस्य): बोस्निया, स्लोभेनिया र क्रोएसिया संयुक्त राष्ट्र संघ (यूएन) को सदस्य बने।
​१९९६ (आईएमएफ को प्रबन्ध निर्देशक): माइकल क्यामडेसस आगामी ५ वर्षका लागि तेस्रो पटक अन्तर्राष्ट्रिय मुद्रा कोष (आईएमएफ) को प्रबन्ध निर्देशक चयन भए।
​२००१(दलाई लामाको निर्णय): बौद्ध धर्मगुरु दलाई लामाले तिब्बतको पूर्ण स्वतन्त्रताको मागलाई छोड्ने घोषणा गरे।
​२००२(नेपालमा संसद् विघटन): नेपालमा तत्कालीन राजनीतिक घटनाक्रमका कारण संसद् विघटन गरियो।
​२००३(अल्जेरियामा भूकम्प): अल्जेरियामा आएको विनाशकारी भूकम्पमा परी दुई हजारभन्दा बढी मानिसको ज्यान गयो।
​२००४(डा. मनमोहन सिंह प्रधानमन्त्री): डा. मनमोहन सिंहले पहिलो पटक भारतको प्रधानमन्त्रीको पदभार सम्हाले।
​२००५(विविध विश्व घटनाक्रम):
​मोन्टेनेग्रोको स्वतन्त्रता: मोन्टेनेग्रोमा भएको जनमत संग्रहमा जनताले सर्बियाबाट अलग भई स्वतन्त्र देश बन्ने पक्षमा मतदान गरे।
​इराकमा नयाँ सरकार: तत्कालीन अमेरिकी राष्ट्रपति जर्ज डब्ल्यु बुशले इराकका नेताहरूलाई नयाँ एकता सरकार (यूनिटी गवर्नमेंट) गठन गरेकोमा बधाई दिए।
​जर्मनीमा भालुको पुनरागमन: करिब १७५ वर्षमा पहिलो पटक बभेरिया क्षेत्रमा एउटा खैरो भालु जर्मन सीमाभित्र प्रवेश गर्‍यो।
​ब्रिटिस सेना फिर्ताको योजना: बेलायतका तत्कालीन प्रधानमन्त्री टोनी ब्लेयरले आगामी चार वर्षभित्र बेलायती सेनालाई इराकबाट पूर्ण रूपमा फिर्ता बोलाउने घोषणा गरे।
​अमेरिकी राजनीतिमा हलचल: अमेरिकी कांग्रेसी विलियम जे. जेफरसनको कार्यालयमा एफबीआईले छापा मारेपछि, उनले घुसखोरीको आरोप अस्वीकार गर्दै राजीनामा दिन अस्वीकार गरे।
​जर्मनीमा मध्यावधि चुनावको घोषणा: जर्मनीका चान्सलर गेरहार्ड श्रोएडरले आफ्नो पार्टी (एसपीडी) देशको सबैभन्दा ठूलो राज्यमा पराजित भएपछि निर्धारित समयभन्दा एक वर्ष अगाडि नै (२००५ को शरद ऋतुमा) आम निर्वाचन गराउने घोषणा गरे।
​चीनमा विशाल शहरी विष्फोट: शेनझेन सहरमा एकैसाथ १६ वटा टावरहरू भत्काउनका लागि १,५०० पाउन्ड विस्फोटक पदार्थ प्रयोग गरियो, जसलाई चीनको इतिहासकै सबैभन्दा ठूलो शहरी विध्वंस(अर्बन डिमोलिशन कार्य मानिन्छ।
​खेलकुद तथा कला(२००५): फिनल्यान्डका फर्मुला वान रेसिङ ड्राइभर किमी राइकोनेनले म्याकलारेनका लागि ‘मोनाको ग्रान्ड प्रिक्स’ जिते।
यस्तै, ५८औँ कान्स फिल्म फेस्टिभलमा निर्देशक जीन-पियरे डार्डन र लुक डार्डनको चलचित्र ‘द चाइल्ड’ ले सर्वोच्च पुरस्कार ‘पाम डी ओर’ हात पार्‍यो।
वैश्विक स्तरमा पर्यावरण सचेतनाका लागि ‘अन्तर्राष्ट्रिय जैव विविधता दिवस’ मनाइयो।
​२००६(इन्डोनेसियामा भूकम्प): इन्डोनेसियाको योग्याकार्टा र मध्य जाभा क्षेत्रमा ६.३ रेक्टर स्केलको विनाशकारी भूकम्प आउँदा हजारौँ मानिस हताहत भए।
अमेरिकामा विलियम जे. जेफरसनले पुन: राजीनामा दिन अस्वीकार गरे भने अस्ट्रियाबाट एउटा जंगली खैरो भालु जर्मनीको बभेरिया पुगेको खबरले चर्चा पायो।
​२००७(एबेल पुरस्कार): प्रसिद्ध गणितज्ञ श्रीनिवास वर्धनलाई नर्वेको प्रतिष्ठित ‘एबेल पुरस्कार’ प्रदान गरियो।
​२००८(विभिन्न निर्णयहरू):
​भारत सरकारले केन्द्रीय उच्च शिक्षण संस्थाहरूमा ओबीसी विद्यार्थीहरूलाई २७ प्रतिशत कोटा सुनिश्चित गर्न १० हजार ३२८ करोड रुपैयाँ बजेट दियो।
​कर्नाटक विधानसभा निर्वाचनको तेस्रो तथा अन्तिम चरण सम्पन्न भयो।
​मुन्सी प्रेमचन्दको अमर कृति ‘निर्मला’ सहित हिन्दीका पाँच रचनाका अनुवादकहरूलाई वर्ष २००७ को साहित्य अकादमी पुरस्कारका लागि छानियो।
​केन्द्र सरकारले गुजरात दङ्गा पीडितहरूका लागि आर्थिक प्याकेज घोषणा गर्‍यो भने संयुक्त राष्ट्र संघको ४७ सदस्यीय मानवअधिकार समितिमा पाकिस्तान समावेश भयो।
​२००९(वैश्विक घटनाक्रम):
​दक्षिण कोरिया: भ्रष्टाचारको आरोप लागेपछि दक्षिण कोरियाका पूर्व राष्ट्रपति रोह मु-ह्युनले आफ्नो घर नजिकैको पहाडबाट हामफालेर आत्महत्या गरे।
​भारत: डा. मनमोहन सिंहले दोस्रो कार्यकालका लागि भारतको प्रधानमन्त्रीका रूपमा शपथ लिए।
​सोमालिया: मोगादिसुमा अन्तरिम संघीय सरकार र इस्लामी चरमपन्थीहरूबीच भएको भीषण संघर्षमा कम्तीमा ३६ जनाको मृत्यु भयो।
​अस्ट्रिया: भिएनाको एक गुरुद्वारामा भएको झडपमा एक जनाको मृत्यु भयो र १५ जना घाइते भए।
​बेलायती संसद्को खर्च विवादमा एक पूर्व अधिकारी ह्विसलब्लोअरका रूपमा अगाडि आए।
​२०१०(विमान दुर्घटना र बिटकोइन): ​एयर इन्डिया एक्सप्रेस दुर्घटना: एयर इन्डिया एक्सप्रेसको फ्लाइट ८१२ मङ्गलौर अन्तर्राष्ट्रिय विमानस्थल नजिकै दुर्घटनाग्रस्त हुँदा विमानमा सवार १६६ जनामध्ये केवल ८ जना मात्र जीवित बच्न सफल भए।
​पहिलो बिटकोइन कारोबार: कम्प्युटर प्रोग्रामर ल्यास्लो हानयेकले दुईवटा पिज्जा किन्नका लागि १०,००० बिटकोइन भुक्तानी गरे। यो इतिहासमै वास्तविक वस्तुका लागि बिटकोइनको पहिलो व्यावसायिक लेनदेन थियो।
​फुटबल: म्याड्रिडको सेन्टियागो बर्नाबेउ स्टेडियममा इन्टर मिलानले बायर्न म्युनिखलाई २-० ले हराउँदै तेस्रो पटक युइएफए च्याम्पियन्स लिगको उपाधि जित्यो र ऐतिहासिक ‘ट्रेबल’ पूरा गर्‍यो।
​थाइल्यान्ड संकट: तत्कालीन प्रधानमन्त्री अभिसित वेज्जाजिवाले देशको राजनीतिक तनाव अन्त्य गर्न १४ नोभेम्बरमा चुनाव गराउने प्रस्ताव राखे।
​२०११(सिरिया संकट र जोप्लिन टॉरनेडो): सिरियाको होम्स सहरमा प्रदर्शनकारीमाथि गोली चल्दा धेरैको मृत्यु भयो। यमनका राष्ट्रपति अली अब्दुल्ला सालेहले पद छोड्ने सम्झौता अस्वीकार गरे।
उता अमेरिकाको मिसौरी राज्यको जोप्लिन सहरमा एफ-५ श्रेणीको विनाशकारी बवंडर (टॉरनेडो) आउँदा १५० भन्दा बढी मानिसको ज्यान गयो।
​२०१२(टोक्यो स्काइट्रीको उद्घाटन): जापानमा ६३४ मिटर अग्लो ‘टोक्यो स्काइट्री’ सर्वसाधारणका लागि खुला गरियो, जुन त्यतिबेला विश्वकै सबैभन्दा अग्लो फ्री-स्ट्यान्डिङ टावर थियो।
एयरोस्पेस कम्पनी स्पेसएक्सले आफ्नो निजी रकेट ‘फाल्कन ९’ सफलतापूर्वक प्रक्षेपण गर्‍यो। सगरमाथामा खराब मौसमका कारण मृत्यु हुनेको संख्या ४ पुग्यो।
अजरबैजानमा यूरोभिजन सङ कन्टेस्टको सुरुवात भयो भने सिरियामा संयुक्त राष्ट्र संघको पर्यवेक्षक टोली नजिकै बम विष्फोट भयो।
मेक्सिकोको जलिस्कोमा ड्रग कार्टेलको युद्धका कारण १५ वटा क्षतविक्षत शव भेटिए।
​२०१३(ओक्लाहोमा बवंडर र लन्डन आक्रमण): अमेरिकाको ओक्लाहोमामा भीषण ईएफ५ बवंडरका कारण २४ जनाको मृत्यु भयो।
लन्डनमा दुई इस्लामिक आतंकवादीले बेलायती सैनिक ली रिग्बीको क्रूर हत्या गरे।
बङ्गलादेशको सावरमा ‘राणा प्लाजा’ भवन भत्किँदा मृत्यु हुनेको सङ्ख्या ६२२ पुग्यो।
​२०१४(थाइल्यान्डमा सैन्य कू): थाइल्यान्डमा महिनौँ लामो राजनीतिक गतिरोधपछि सेना प्रमुख प्रयुथ चान-ओचाले मार्सल ल लागू गर्दै देशको सत्ता आफ्नो हातमा लिए र देशभर रात्रिकालीन कर्फ्यु लगाए। यस्तै, युक्रेनको दोनेत्स्क क्षेत्रमा रुस समर्थक पृथकतावादीको आक्रमणमा १६ युक्रेनी सैनिक मारिए।
​२०१५(समलैंगिक विवाहलाई मान्यता): आयरल्यान्ड जनमत संग्रह (रेफरेंडम) मार्फत समलैंगिक विवाहलाई कानुनी मान्यता दिने विश्वको पहिलो देश बन्यो।
साउदी अरबको कतिफमा एक शिया मस्जिदमा भएको आत्मघाती बम विष्फोटमा १९ जनाको ज्यान गयो।
​२०१६ (तालिबान प्रमुखको मृत्यु): पाकिस्तानको बलुचिस्तानमा भएको अमेरिकी ड्रोन आक्रमणमा परि अफगान तालिबानका प्रमुख मुल्लाह अख्तर मन्सुर मारिए।
पेरिसबाट काहिरा जाँदै गरेको इजिप्टएयरको फ्लाइट एमएस८०४, भूमध्यसागरमा दुर्घटनाग्रस्त हुँदा ६६ जनाको मृत्यु भयो।
सगरमाथा आरोहणका क्रममा मेलबर्नकी मारिया स्ट्राइडम र एरिक अर्नोल्ड सहित कैयौँ पर्वतारोहीले ज्यान गुमाए।
​२०१८(निपाह भाइरस र ऐतिहासिक नियुक्ति): अफगानिस्तानको कान्दहारमा कन्टेनर विष्फोटमा १६ जनाको मृत्यु भयो।
भारतको थुथुकुडीमा वेदान्तको स्टरलाइट कपर प्लान्टविरुद्धको प्रदर्शनमा पुलिसको गोली लागी ९ जनाको मृत्यु भयो।
केरलको कोझिकोडमा ‘निपाह भाइरस’ को प्रकोप पुष्टि भयो, जसबाट एक नर्ससहित १० जनाको ज्यान गयो।
न्युयोर्क स्टक एक्सचेन्जको २२६ वर्षको इतिहासमा पहिलो पटक स्टेसी कनिङ्घम महिला प्रमुख नियुक्त भइन्।
​२०२०(पाकिस्तान विमान दुर्घटना): पाकिस्तान इन्टरनेसनल एयरलाइन्स को फ्लाइट ८३०३ कराँचीको जिन्ना अन्तर्राष्ट्रिय विमानस्थल नजिकैको आवासीय क्षेत्रमा दुर्घटनाग्रस्त भयो, जसमा ९७ जनाको मृत्यु भयो र केवल दुई जना भाग्यवश बाँच्न सफल भए।
​२२ मे मा जन्मिएका प्रमुख व्यक्तित्वहरू~
​१७७२(राजा राममोहन राय): भारतको धार्मिक र सामाजिक सुधार आन्दोलनका अग्रदूत तथा ‘ब्रह्मो समाज’ का संस्थापक।
​१८१३(रिचर्ड वागनर): प्रसिद्ध जर्मन संगीतकार, जसको ओपेरा संगीतमा अद्वितीय योगदान छ।
​१८५९(आर्थर कोनन डयल): विश्वप्रसिद्ध जासुसी पात्र ‘शर्लक होम्स’ का रचयिता एवं प्रख्यात बेलायती लेखक।
​१८७८(गामा पहलवान): विश्वकै एक मात्र यस्ता पहलवान, जसले आफ्नो सम्पूर्ण जीवनमा कुनै पनि कुश्ती हारेनन्।
​१९२२(क्वीन मार्टिन): अमेरिकी टेलिभिजन निर्माता।
​१९२५(मदन लाल मधु): हिन्दी र रुसी साहित्यबीच आधुनिक सांस्कृतिक सम्बन्ध प्रगाढ बनाउने मुख्य सेतु निर्माता।
​१९५९(महबुबा मुफ्ती): जम्मु र काश्मिरकी पूर्व मुख्यमन्त्री तथा राजनीतिज्ञ।
​१९८७(नोभाक जोकोविच): सर्वियाका विश्व प्रसिद्ध टेनिस स्टार तथा विश्व नम्बर-१ खेलाडी।
​२२ मे मा भएका प्रमुख निधनहरू~
​१५४५(शेरशाह सूरी): भारतका महान् शासक एवं सूर साम्राज्यका संस्थापक (कालिञ्जर किल्ला घेराबन्दीका क्रममा निधन)।
​१९४६(गोविन्दराम सेकसरिया): स्वतन्त्रतापूर्व भारतका सबैभन्दा सफल र नामी उद्योगी व्यवसायीमध्ये एक।
​१९९१(श्रीपाद अमृत डांगे): भारतका प्रारम्भिक कम्युनिस्ट नेताहरूमध्येका एक प्रमुख स्तम्भ।
​२०००(सोहराब फिरोजशाह गोदरेज): प्रसिद्ध भारतीय उद्योगपति, उद्यमी र गोदरेज समूहका पूर्व अध्यक्ष।
​२००७(पेम्बा डोमा शेर्पाको निधन): सगरमाथालाई दुई पटक फतह गर्ने नेपालकी प्रसिद्ध महिला पर्वतारोही पेम्बा डोमा शेर्पाको सगरमाथा क्षेत्रमै निधन भयो। सोही दिन बेलायती संसद्का पूर्व सभामुख बर्नार्ड वेदरिल र विश्व च्याम्पियन अमेरिकी बक्सर डिएगो कोरालेसको पनि निधन भएको थियो।
​२०११(गोविन्द चन्द्र पाण्डे): २०औँ शताब्दीका प्रख्यात भारतीय चिन्तक, इतिहासविद् तथा संस्कृतविद्।
​२०१२(एफ. ए. खोङलाम): मेघालयका पूर्व आठौँ मुख्यमन्त्री।
​२०१३(हेन्री डुटिलक्स): प्रसिद्ध फ्रान्सेली संगीतकार र संगीत रचयिता।
​२०१४(रुसी मोदी): भारतीय कर्पोरेट क्षेत्रका दिग्गज व्यक्तित्व तथा टाटा स्टिलका पूर्व अध्यक्ष। हंगेरीका ओलम्पिक च्याम्पियन इम्रे गेडोवारीको पनि यसै दिन निधन भएको थियो।
​२०१५(मार्केस हेन्स): प्रख्यात अमेरिकी बास्केटबल खेलाडी।
​२०१६(बाबा हरदेव सिंह): भारतीय आध्यात्मिक गुरु तथा ‘सन्त निरंकारी मिसन’ का प्रमुख।
​२०१७(लीला सेठ र निकी हेडन): भारतको हिमाचल प्रदेश हाईकोर्टकी पहिलो महिला चीफ जस्टिस लीला सेठको निधन भयो। सोही दिन अमेरिकाका मोटोजीपी विश्व च्याम्पियन मोटरसाइकल रेसर निकी हेडनको पनि मृत्यु भएको थियो।
​२०१८(गुरुकृष्ण गोस्वामी): उडिया सिनेमा जगत्का प्रसिद्ध गीतकार।
​२०१९(जुडिथ केर): प्रसिद्ध बेलायती लेखिका र चित्रकार। यसै दिन मलेसियाका सातौँ राजा सुल्तान अहमद शाहको पनि निधन भएको थियो।
​२०२०(खेलकुद क्षेत्रका हस्तीहरू): दिग्गज अमेरिकी बास्केटबल हल अफ फेम कोच जेरी स्लोन, अस्ट्रेलियाका पूर्व टेनिस खेलाडी एशले कुपर र इटालीका प्रसिद्ध फुटबल खेलाडी लुइगी सिमोनीको निधन भयो।
​२०२१(रेवा प्रसाद द्विवेदी र रामलक्ष्मण): काशीका प्रकाण्ड विद्वान रेवा प्रसाद द्विवेदी र हिन्दी चलचित्र जगत्का प्रसिद्ध संगीतकार रामलक्ष्मणको निधन भयो।
​२०२२(वैभवी उपाध्याय र आदित्य सिंह राजपूत): ‘साराभाई वर्सेस साराभाई’ फेम लोकप्रिय अभिनेत्री वैभवी उपाध्याय र ‘एमटीभी स्प्लिट्सविला’ का पूर्व प्रतिभावान अभिनेता-मोडल आदित्य सिंह राजपूतको निधन भयो।
​२०२३(विभिन्न अन्तर्राष्ट्रिय व्यक्तित्व): अमेरिकाका पूर्व एनबीए बास्केटबल खेलाडी लाँस ब्याङ्क्स, अल्जेरियाका फिल्म निर्देशक सिद अली माजिफ, सिंगापुरका प्रसिद्ध अभिनेता वाहिद साताय, सुरिनामका पूर्व प्रधानमन्त्री विम उडेनहाउट र इटालीका थिएटर निर्देशक एलेसान्ड्रो डी’अलाट्रीको निधन भयो।
​२०२४(मार्टिन एमिस र मोहन महर्षि): प्रसिद्ध बेलायती उपन्यासकार मार्टिन एमिस, भारतीय रंगमञ्चका प्रसिद्ध निर्देशक, नाटककार एवंठ एनएसडी का पूर्व निर्देशक मोहन महर्षि, ट्युनिसियाली-फ्रान्सेली लेखक अल्बर्ट मेमी र विश्वप्रसिद्ध रुसीठ फेसन डिजाइनर भ्यालेन्टाइन युदास्किनको निधन भयो।
​अन्य महत्त्वपूर्ण निधनहरू: सन् १९७६ को मोन्ट्रियल ओलम्पिकमा स्वर्ण पदक जित्ने स्कटल्यान्डका महान् पौडीबाज डेभिड विल्की, हलिउडका प्रसिद्ध अभिनेता एवं पटकथा लेखक ड्यारेल हिकम्यान, ‘चिल्ड्रन्स हस्पिटल इन्टरनेसनल’ की अमेरिकी संस्थापिका एन आर्मस्ट्रङ्ग डेली र फिनल्यान्डका प्रसिद्ध पेशेवर फुटबल खेलाडी पेट्री सुलोनेनको पनि इतिहासको विभिन्न कालखण्डमा मे २२ कै दिन निधन भएको थियो।
​आजको विशेष अवसर~
​अन्तर्राष्ट्रिय जैव विविधता दिवस (इंटरनेशनल डे फॉर बायोलॉजिकल डायवर्सिटी): पृथ्वीमा रहेका विभिन्न जीवजन्तु, वनस्पति र पर्यावरणको संरक्षणका लागि जनचेतना जगाउने उद्देश्यले आजको दिनलाई संसारभरि ‘अन्तर्राष्ट्रिय जैव विविधता दिवस’ का रूपमा मनाइन्छ।