‎गान्ताेक: गान्ताेकस्थित मनन केन्द्रमा आज राज्यका विभिन्न जिल्लाबाट आएका लाभार्थीहरूलाई मुख्यमन्त्री कार्यालयअन्तर्गत सञ्चालित विभिन्न योजनाहरूको लाभ वितरण गरिएको छ।
‎यस अवसरमा नार बहादुर भण्डारी छात्रवृत्ति, ल्यापटप वितरण कार्यक्रम, सिक्किम गरीब आवास योजना, मुख्यमन्त्री स्वरोजगार सहायता योजना, मुख्यमन्त्री शिक्षा सहायता योजना तथा मुख्यमन्त्री विशेष अनुदान सहायता कार्यक्रमअन्तर्गत आर्थिक सहायता प्रदान गरिएको हो।
‎मुख्यमन्त्री प्रेम सिंह तमाङ नेतृत्वमा सञ्चालन भइरहेका यी योजनाहरूले राज्यभरका नागरिकलाई उद्यमशीलता, उच्च शिक्षा, पुस्तक प्रकाशन, कृषि कार्य, घर मर्मत तथा पुनर्निर्माण, आवास सुविधा र डिजिटल पहुँच विस्तारमा महत्वपूर्ण सहयोग पुर्‍याइरहेका छन्।
‎यसैगरी, विद्यार्थीहरूको डिजिटल पहुँच सुदृढ गर्न ल्यापटप वितरण, सिक्किम गरीब आवास योजनामार्फत आवास सहायता तथा विभिन्न धार्मिक संस्थासहित सार्वजनिक पूर्वाधार सुदृढीकरणका लागि विशेष आर्थिक सहयोग पनि उपलब्ध गराइएको छ।

सरकारका अनुसार यी पहलहरूले समावेशी विकास, सामाजिक कल्याण र जनसशक्तीकरणलाई थप मजबुत बनाउँदै सिक्किमलाई समृद्धि र प्रगतितर्फ अघि बढाउन महत्वपूर्ण भूमिका खेलिरहेका छन्।