रोम: सातौं वरीयता प्राप्त एलिना स्वितोलिनाले असाधारण प्रदर्शन गर्दै २ घण्टासम्म चलेको रोमाञ्चक फाइनलमा कोको गौफलाई ६-४, ६-७ (३), ६-२-ले पराजित गरी इटालियन ओपन टेनिस टुर्नामेण्टमा महिला एकलको खिताब जितिन्। क्वार्टर फाइनलमा दोस्रो वरीयता प्राप्त एरेना रायकाबिना र सेमिफाइनलमा चौथो वरीयता प्राप्त इगा स्वियातेकलाई पराजित गरी फाइनलमा पुग्ने स्वितोलिनाले गत वर्षकी उपविजेता गौफविरुद्ध शुरुवातमा चरम दबाउको सामना गर्नु पऱ्यो। उनी पहिलो सेटमा २-४-ले पछि रहेकी थिइन्। म्याचको टर्निंग पोइण्ट आठौं गेममा आयो जब गौफले ४०-०-को बढ़तमा २ पल्ट डबल फल्ट गरिन्। यसले स्वितोलिनालाई म्याचमा फर्किने मौका प्राप्त भयो। युक्रेनकी खेलाड़ी स्वितोलिनाले नवौं गेममा ३ वटा ब्रेक पोइण्ट बचाएर सर्विस कायम राखिन् अनि पहिलो सेट ६-४-ले जितिन्। दोस्रो सेटमा स्वितोलिना र गौफबीच रोचक प्रतिस्पर्धा भयो। गौफले ११औं गेममा महत्त्वपूर्ण ब्रेक हासिल गरिन्। त्यसपछि गौफले सेट जित्नको निम्ति सर्विस गरिरहेकी समय स्वितोलिनाले पुनरागमन गर्दै ब्रेक हासिल गरिन् अनि सेट टाईब्रेकरसम्म पुग्यो। टाईब्रेकरमा गौफले असाधारण खेल देखाइन् अनि ७-३-ले जीतको साथ सेट जितेर म्याचलाई बराबरीमा पुऱ्याइन्। निर्णायक गेममा स्वितोलिनाले पाँचौं र सातौं गेममा ब्रेक गरेर सेटलाई नियन्त्रणमा राखिन्। च्याम्पियनशीपको निम्ति सर्विस गर्दै उनले ब्याकह्याण्ड भली लगाएर आफ्नो जीत पक्का गर्न अघि ३ ब्रेक पोइण्ट बचाइन्। यो स्वितोलिनाको रोममा तेस्रो एकल खिताब अनि समग्रमा करियरको २०औं डब्ल्यूटीए एकल खिताब हो। म्याचपछि स्वितोलिनाले भनिन्, यो निश्चित रूपले मुश्किल लड़ाइँ थियो। पूरा टुर्नामेण्टमा आफ्नो प्रदर्शनसँग म खुशी छु। यसबीच पुरुष एकलमा विश्वका नम्बर १ खेलाड़ी यानिक सिनरले सातौं वरीयता प्राप्त दानिल मेदवेदेवविरुद्ध वर्षाले गर्दा रोकिएको सेमिफाइनल म्याच पूरा गरे। उनले म्याचमा ६-२, ५-७, ६-४-ले जीत हासिल गरी फाइनलमा स्थान बनाए, जहाँ उनको सामना २३औं वरीयता प्राप्त केस्पर रुडसँग हुनेछ।