इन्दौर: टेलिभिजनकी लोकप्रिय अभिनेत्री वैशाली ठक्करले झुण्डिएर आत्महत्या गरेकी छन्। उनको आत्महत्याको खबरले मनोरञ्जन उद्ध्योगमा हलचल मच्चिएको छ। इन्दौरको तेजाजी नगर थाना क्षेत्रमा बस्ने अभिनेत्री वैशाली ठक्करले आफ्नै कोठामा झुण्डिएर आत्महत्या गरेकी समाचार छ। उनी मूल रूपमा महिदपुर उज्जैनकी थिइन् र उनको उच्च सपना साथै अभिनेत्री बन्ने जोशका कारण मुम्बई सरिन्। मुम्बईमा विभिन्न सिरियल गर्नुका साथै उनले बिग बोसमा पनि भाग लिइन्। त्यसपछि उनी जयपुर पुगिन् र जयपुर बसेपछि इन्दौरको तेजाजी नगर थाना क्षेत्रको साईबाग कालोनीमा गएको १ वर्षदेखि बस्दै आएकी थिइन्।
सोही क्रममा वैशाली ठक्करसँग उनका कान्छा दाजु र बाबु पनि बस्थे। जहाँ बाबुको आफ्नै व्यवसाय रहेको समाचारमा उल्लेख छ। त्यसैले त्यही कान्छो भाइ पनि कुनै न कुनै व्यवसायसँग आवद्ध रहेको बताइन्छl अभिनेत्री वैशाली ठक्कर आज बिहान कोठाबाट बाहिर ननिस्केपछि बाबु उनको कोठामा जाँदा फाँसीमा झुण्डिएको देखे। त्यसपछि बाबुले तेजाजी नगर पुलिसलाई सम्पूर्ण कुरा बताए। सोही तेजाजी नगर पुलिसले घटनास्थलमा पुगेर मृतकको शवलाई नियन्त्रणमा लिएर पोस्टमार्टमका लागि एमवाई अस्पताल इन्दौर पठाएको समाचार छ। यसै क्रममा मृतकबाट सुसाइड नोट पनि फेला परेको छ समाचारमा बताइएको छl अहिले पुलिसले सुसाइड नोट बरामद गरेर सम्पूर्ण घटनाको अनुसन्धान शुरु गरेको छ। सोही तेजाजी नगर प्रहरी चौकीका इन्चार्ज आरडी कनवाले घटनाबारे पुलिसले अनुसन्धान थालेको र मृतकको सुसाइड नोटसँगै मोबाइल पनि बरामद गरेको बताएका छन्। साथै परिवारका सदस्यहरुको बयान पनि लिइएको छ।
About Author
