१६ अक्टोबरः इटालियन सेरि ए फूटबलमा अटलाण्टाले रोमाञ्चक जीतको साथ शीर्ष स्थान हासिल गऱ्यो। यसरी नै युभेण्टस पनि आफ्नो म्याच जित्न सफल भयो। शनिवार राति खेलिएको म्याचमा अटलाण्टाले सासुओलोलाई २-१-ले पराजित गऱ्यो। जेविस स्टेडियममा जियोरगस किरियाकोपोलसले ४१औं मिनटमा सासुओलोलाई बढ़त दिलाए। गोल खाएपछि अटलाण्टाले पनि बराबरी हासिल गर्न अधिक समय लिएन। मारियो पासालिचले स्टपेज टाइमको पहिलो मिनटमा गोल गरी स्कोर १-१-को बराबरीमा पुऱ्याए। त्यसपछि एडमोला लूकम्यानले ४६औं मिनटमा गोल गरी अटलाण्टालाई २-१-ले जीत दिलाए। यस जीतको साथै अटलाण्टाले नापोलीलाई पछि ठेल्दै १० वटा म्याचमा २४ पोइण्टको साथ सेरि ए टेबलमा शीर्ष स्थान हासिल गऱ्यो। यसरी नै सासुओलो १२ पोइण्टको साथ नवौं स्थानमा रहेको छ। अटलाण्टाले सेरि ए-को जारी सीजनमा एउटा म्याच पनि गुमाएको छैन।
यसरी नै युभेण्टसले हाई भोल्टेज म्याचमा तोरिनो विरुद्ध १-०-ले जीत दर्ता गऱ्यो। तोरिनोको होम ग्राउण्डमा ४७ प्रतिशत पोजेशनको साथ खेल्दै युभेण्टसबाट एकमात्र गोल सर्बियन स्ट्राईकर डुसान भ्लाहोविचले ७४औं मिनटमा छिराए। यस जीतको साथै युभेण्टसले जीतको लय पनि हासिल गऱ्यो। युभेण्टस अहिले १० वटा म्याचमा १६ पोइण्टको साथ सातौं स्थानमा रहेको छ। यसरी नै ११औं स्थानमा रहने तोरिनोसँग ११ पोइण्ट रहेको छ। सेरि ए-को अन्य एउटा म्याचमा एम्पोलीले मोञ्जालाई १-०-ले पराजित गऱ्यो। विजेता टीमबाट एकमात्र गोल निकोलस हासले ११औं मिनटमा छिराए। एम्पोली अहिले ११ पोइण्टको साथ दशौं स्थानमा रहेको छ।