१५ अक्टोबरः हिमगिरी युथ क्लब, मंगपूको तत्त्वावधानमा आयोजित सलोनी राई स्मृति नक्आउट फूटबल टुर्नामेण्टमा शनिवार मेनहुड (कान्दुंग)-ले रोमाञ्चक जीतको साथ क्वार्टर फाइनलमा स्थान बनायो। शारदा हाई स्कूल नजिक मंगपू डीविजनल ग्राउण्डमा आज खेलिएको दोस्रो राउण्डको म्याचमा मेनहुडले शारदा हाई स्कूल (मंगपू)-लाई १-०-ले पराजित गऱ्यो। विजेता टीमबाट अश्विन मंगरले एकमात्र गोल गरे। भोलि खेलिने म्याचमा नागरी एफसी र कालीझोड़ा युवा परिवारबीच भिड़न्त हुनेछ। यस नाइन ए साइड फूटबल टुर्नामेण्टमा जम्मा २८ वटा टीमले हिस्सा लिएको छ। टुर्नामेण्टमा च्याम्पियन हुने टीमलाई आकर्षक ट्रफीको साथमा १ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ५० हजार रुपियाँको नगद पुरस्कार प्रदान गरिने आयोजक हिमगिरी युथ क्लबका कार्यकारी सदस्य रोमन आलेले बताएका छन्।