​टोकियो: जापानको उत्तरी क्षेत्रमा सोमबार ७.४ म्याग्निच्युडको शक्तिशाली भूकम्प गएको छ। भूकम्पलगत्तै राष्ट्रिय प्रसारण संस्था एनएचके ले तटीय क्षेत्रहरूमा सुनामी आउन सक्ने भन्दै उच्च सतर्कता अपनाउन र संकटकाल घोषणा गर्न आग्रह गरेको छ।
​अधिकारीहरूका अनुसार इवाते प्रिफेक्चर र होक्काइदोका केही भागमा ३ मिटर (करिब १० फिट) सम्म अग्लो सुनामीको लहर उठ्न सक्ने अनुमान गरिएको छ। सरकारले तटीय क्षेत्रका बासिन्दाहरूलाई तत्काल घर छोडेर अग्लो र सुरक्षित स्थानमा जान निर्देशन दिएको छ।
​जापानी अधिकारीहरूले सुनामीको लहर पटक-पटक आउन सक्ने र अनुमान गरिएको समयभन्दा अगाडि वा पछाडि पनि आउन सक्ने चेतावनी दिएका छन्। समुद्र किनार र नदीको मुख (मुहान) बाट टाढै रहन सर्वसाधारणलाई कडा निर्देशन दिइएको छ। हालसम्म भूकम्पबाट भएको धनजनको क्षतिको आधिकारिक विवरण प्राप्त नभए पनि आपत्कालीन सेवाहरूलाई उच्च सतर्कतामा राखिएको छ।