नयाँ दिल्ली: राज्यसभामा बिहीबार १६ जना नवनिर्वाचित तथा पुनर्निर्वाचित सांसदहरूले शपथ ग्रहण गरे। उपराष्ट्रपति तथा राज्यसभाका सभापति सी पी राधाकृष्णनले सबै सदस्यहरूलाई पद तथा गोपनीयताको शपथ खुवाए।
शपथ लिनेहरूमा भाजपा का राष्ट्रिय अध्यक्ष नितिन नबीन प्रमुख रहे, जसले बिहार विधानसभा बाट राजीनामा दिएर राज्यसभामा प्रवेश गरे। उनका साथमा केन्द्रीय मन्त्री राम नाथ ठाकुरले पनि शपथ लिए।
बिहारबाट उपेन्द्र कुशवाहा र शिवेश कुमार राज्यसभामा पुगेका छन्। असमबाट तेराश गोवाला, जोगेन मोहन र प्रमोद बोरो ले शपथ ग्रहण गरे।
हरियाणाबाट सञ्जय भाटिया र करमवीर सिंह बौद्ध, त्यस्तै छत्तीसगढबाट फूलो देवी नेताम र लक्ष्मी वर्मा पनि समावेश रहे।
तेलंगानाबाट कांग्रेसका वरिष्ठ नेता अभिषेक मनु सिंघवी र वेम नरेन्द्र रेड्डी ले पनि शपथ ग्रहण गरे।
यसका साथै ओडिशाबाट सुजित कुमार र हिमाचल प्रदेशबाट अनुराग शर्मा राज्यसभाका सदस्य बने।
यी १६ जना सांसदमध्ये ८ जना भाजपा, ३ जना सहयोगी दल र ५ जना कांग्रेसका रहे, जसले देशका विभिन्न राज्यहरूको प्रतिनिधित्व गरे।