नयाँ दिल्ली: फिफा वर्ल्ड कप २०२६ इतिहासको सबैभन्दा ठूलो संस्करण बन्न गइरहेको छ। पहिलोपल्ट ३२-को सट्टा ४८ वटा टीमले यस वैश्विक टूर्नामण्मा लिनेछन्। यो टूर्नामेण्ट अमेरिका, क्यानाडा र मेक्सिकोमा संयुक्त रूपमा आयोजना हुनेछ। लगभग अढ़ाई वर्षसम्म विश्वका हरेक कुनामा क्वालीफिकेशन म्याचहरू भयो। ससाना देशहरूदेखि लिएर दिग्गज टीमहरूसम्म, सबैले यसपाली आफ्नो स्थान सुनिश्चित गर्न कड़ा मेहनत गर्नु पर्यो। अब ४८ वटा टीमको पूरा सूची सार्वजनिक भइसकेको छ र मञ्च तयार छ। यो केवल एउटा टूर्नामेण्ट मात्र नभएर फूटबलको जगतको सबैभन्दा ठूलो महाकुम्भ बन्न गइरहेको छ। फिफाका ६ महाद्वीपीय संघहरू (कन्फेडरेशन) मार्फत टीमहरूको छनौट भयो। यसपाली वर्ल्ड कपको निम्ति दावेदारी पेश गर्ने ससाना देशहरूलाई पनि अवसर मिल्यो। एक समय वर्ल्ड कपमा स्थान बनाउनु कठिन हुन्थ्यो भने अहिले नयाँ देशहरूले पनि आफ्नो प्रदर्शनको आधारमा क्वालीफाई गरेको छ। यसले टूर्नामेण्टलाई अझ प्रतिस्पर्धात्मक बनाएको छ। आयोजक भएकाले अमेरिका, क्यानाडा र मेक्सिकोलाई सीधै प्रवेश मिल्यो। बाँकी टीमहरूले लामो क्वालीफाईंग टूर्नामेण्ट र प्लेअफ्-को वाधाहरू पार गर्नुपर्यो। फिफा वर्ल्ड कप 2026-मा एशिया (एएफसी)-बाट ९ वटा टीम, अफ्रिका (सीएएफ)-बाट १० वटा टीम, यूरोप (यूएफा)-बाट १६ वटा टीम, दक्षिण अमेरिका (कन्मेबोल)-बाट ६ वटा टीम, नर्थ/सेण्ट्रल अमेरिका (कन्काकाफ)-बाट ६ टीम (आयोजक टीमहरू सहित) र ओशियानिया (ओएफसी)-बाट एउटा टीम मिलाएर जम्मा ४८ वटा टीमले क्वालीफाई गरेको छ।
फिफा वर्ल्ड कप नयाँ प्रारूपमा खेलिनेछ, जसमा ४८ वटा टीमलाई १२ वटा ग्रुपमा बाँड़िएको छ अनि प्रत्येक ग्रुपमा ४ वटा टीम हुनेछन्। प्रत्येक टीमले ग्रुप चरणमा ३ वटा म्याच खेल्नेछ। यसरी ३९ दिनमा जम्मा १०४ वटा म्याच खेलिनेछ। ग्रुपको शीर्ष २ टीम र ८ वटा उत्कृष्ट तेस्रो स्थानमा रहने टीमहरू नक्आउट चरण (राउण्ड अव् ३२)-मा पुग्नेछ। राउण्ड अव् ३२ मा जीत हासिल गर्ने टीमहरू प्री क्वार्टर फाइनलमा पुग्नेछ। त्यसपछि क्वार्टर फाइनल र सेमिफाइनल म्याचहरू हुनेछ।
टुर्नामेण्टको शुरुवात ११ जूनदेखि हुनेछ। उद्घाटन म्याचमा मेक्सिको र दक्षिण अफ्रिकाबीच भिड़न्त हुनेछ। सम्पूर्ण विश्वको ध्यान यस ऐतिहासिक टूर्नामेण्टमा हुनेछ। फाइनल १९ जुलाईमा मेटलाइफ स्टेडियममा खेलिनेछ।
फिफा विश्वकप २०२६ का ग्रुपहरू
ग्रुप ए
मेक्सिको, दक्षिण अफ्रिका, दक्षिण कोरिया, चेकिया
ग्रुप बी
क्यानाडा, बोस्निया एण्ड हर्जेगोविना, कतार, स्विट्जरल्याण्ड
ग्रुप सी
ब्राजील, मोरक्को, हैती, स्कटल्याण्ड
ग्रुप डी
अमेरिका, प्याराग्वे, अष्ट्रेलिया, तुर्किये
ग्रुप ई
जर्मनी, कुरासाओ, आइवरी कोस्ट, इक्वेडोर
ग्रुप एफ
नीदरल्याण्ड्स, जापान, स्वीडेन, ट्युनिसिया
ग्रुप जी
बेल्जियम, मिस्र, ईरान, न्यूजील्याण्ड
ग्रुप एच
स्पेन, केप भर्डे, सऊदी अरब, उरुग्वे
ग्रुप आई
फ्रान्स, सेनेगल, ईराक, नर्वे
ग्रुप जे
अर्जेण्टिना, अल्जेरिया, अष्ट्रिया, जोर्डन
ग्रुप के
पुर्तगल, कंगो, उज्बेकिस्तान, कोलम्बिया
ग्रुप एल
ईंग्ल्याण्ड, क्रोएशिया, घाना, पानामा
फिफा वर्ल्ड कप २०२६ को लागि आधिकारिक म्याच बल ‘ट्रियोण्डा’-को अनावरण गरिएको छ। फिफा र एडिडासले मिलेर यस ऐतिहासिक बल तयार गरेको छ। यो बलले वर्ल्ड कपको एकता र जोशलाई दर्शाउँछ। ट्रियोण्डा नाम स्पेनिश भाषाबाट लिइएको हो, जसको अर्थ ‘तीन तरंग’ हो। यो नामले तीन आयोजक देशहरू- क्यानाडा, मेक्सिको र अमेरिकालाई जोड़ेर यस वर्ल्ड कपको आयोजना उत्सवलाई दर्शाउँछ। फिफाले यो बल केवल खेल उपकरण मात्र नभएर तीनै देशहरूको साझा शक्ति र फुटबलप्रतिको प्रेमको प्रतीक हो भनेको छ। फिफा वर्ल्ड कप २०२६ फूटबल इतिहासको सबैभन्दा ठूलो र सबैभन्दा अनौठो संस्करण हुनेछ। जम्मा ४८ टीमहरूको साथ यो टूर्नामेण्टले खेलको दिशा परिवर्तन गर्न सक्छ। जहाँ एकातिर ईराक जस्ता टीमहरूको पुनरागमनले आशा जगाउँछ, त्यहीँ इटली जस्तो टीम क्वालीफाई गर्नदेखि चुक्दा अहिले कुनै पनि टीम सुरक्षित नरहेको स्पष्ट गर्छ।
About Author
