लखनऊ: आईपीएल २०२६-मा लखनऊ सुपर जाइण्ट्स (एलएसजी)-को हारपछि कप्तान रिषभ पन्त र टीमका मालिक सञ्जीव गोयंकाबीच भएको बातचीतले नयाँ विवाद सृष्टि गरेको छ। दिल्ली क्यापिटल्सविरुद्ध ६ विकेटले हारपछि मैदानमा यी दुईबीच भएको बातचीतको भीडियो सोशल मीडियामा भायरल भइरहेको छ। भीडियोमा पन्तलाई निक्कै आक्रामक मिजासमा कुराकानी गरिरहेको देखिएको छ जबकि मुख्य प्रशिक्षक जस्टिन लेंंगरलाई पनि साथमा रहेका छन्। प्रशंसकहरूले यसको तुलना २०२४-मा केएल राहुल र गोयंकाबीच भएको चर्चित विवादसँग गरेका छन्। राहुल त्यस समय एलएसजी-का कप्तान थिए अनि अहिले विकेटकीपर-ब्याटरको रूपमा दिल्ली क्यापिटल्सबाट खेलिरहेका छन्। राहुललाई त्यही सीजनमा एलएसजी-ले रिलीज गरेको थियो। म्याचमा एलएसजी-ले पहिला ब्याटिंग गर्दै केवल १४१ रन बनाएको थियो तर दिल्ली क्यापिटल्सले पनि १४२ रनको लक्ष्यलाई पीछा गर्दै पावरप्लेमै २६ रनमा ४ विकेट गुमाएको थियो। त्यस समय एलएसजी-सँग म्याचमा फर्किने मौका थियो तर समीर रिज्वी र ट्रिस्टन स्टब्सबीच भएको अटूट शतकीय पार्टरशीपले दिल्लीलाई जीत दिलायो। म्याच गुमाएपछि पन्तले भने, पहिला ब्याटिंग गर्दै केवल १४० रन बनाएपछि तपाईंले अतिरिक्त कोशिश गर्नु पर्छ। प्रतिद्वन्द्वी टीमले सामान्य क्रिकेट खेले पनि म्याच जित्छ। नयाँ बलको साथ सहायता प्राप्त भइरहेको थियो अनि हामीले पार्टनरशीप गर्न सकेनौं। रन कम्ती हुँदा तपाईंले अलग फसेला लिनु पर्छ। म्याचमा एलएसजी-का कप्तान पन्त दुर्भाग्यजनक तरिकाले रनआउट भए। त्यसबारे उनले भने, जे भयो त्यसलाई भुल्नु नै राम्रो हुनेछ। धेर सोचे तपाईं ब्याकफूटमा जानुहुन्छ।