गान्तोक: मुख्यमन्त्री प्रेमसिंह तामाङ ले गेजिङ ओमचुङ ग्राम पञ्चायत एकाई लाई वर्ष २०२५ का लागि ‘गरिबीमुक्त र उत्तम जीविकोपार्जन पञ्चायत’ विषयमा प्रतिष्ठित दीनदयाल उपाध्याय पञ्चायत सतत विकास पुरस्कार प्राप्त भएकोमा बधाई दिएका छन्।
मुख्यमन्त्रीले सामाजिक सञ्जालमार्फत भने, “यो उपलब्धिले समावेशी विकास र दिगो जीविकोपार्जनलाई अगाडि बढाउन पञ्चायत र यसको जनताको समर्पण, दृष्टिकोण र सामूहिक प्रयासलाई प्रतिबिम्बित गर्दछ। यसले तृणमूल स्तरको शासन र ग्रामीण विकासलाई सुदृढ पार्न राज्य सरकारको निरन्तर समर्थन, मार्गदर्शन र नीतिहरूको सक्रिय भूमिकालाई पनि उजागर गर्छ।”
मुख्यमन्त्रीले आशा व्यक्त गरे कि यो उपलब्धिले देशभरका अन्य पञ्चायत र समुदायहरूलाई उत्कृष्टता र जनता-केंद्रित प्रगतिको लागि प्रेरित गरोस्। उनले गेजिङ ओमचुङ ग्राम पञ्चायत एकाईको निरन्तर सफलता र यस्तै धेरै उपलब्धिहरूका लागि शुभकामना व्यक्त गरेका छन्।