गान्तोक: मुख्यमन्त्री प्रेम सिंह तामाङले राम नवमीको पावन अवसरमा आज पहाडी माता मन्दिरमा विशेष पूजा अर्चना गरे। शान्त र आध्यात्मिक वातावरणबीच उनले सिक्किमका जनताको शान्ति, समृद्धि र कल्याणका लागि प्रार्थना गरेका हुन्।
मुख्यमन्त्री तमाङले उक्त अवसरलाई अत्यन्त पुण्यदायी र प्रेरणादायी अनुभवका रूपमा उल्लेख गर्दै सम्पूर्ण राज्यवासीको सुख, शान्ति र उन्नतिको कामना व्यक्त गरे।
उनले दिव्य शक्तिको आशीर्वादले राज्य र यहाँका जनताको जीवनमा सधैं मार्गदर्शन, सुरक्षा र उज्यालो प्रदान गरिरहोस् भन्ने कामना गरे साथै, सबैमा आपसी सद्भाव, एकता र समृद्धि कायम रहोस् भन्ने आशा व्यक्त गरे।