दार्जिलिङ: ईण्डियन गोर्खा जनशक्ति फ्रण्टको केन्द्रीय संयोजक अजय एडवर्डसले प्रमुख निर्वाचन आयोगलाई लेख्यो पत्र लेखेर निष्पक्ष चुनावको लागि नियुक्ति गरिएको प्रशासकहरूसँगसँगै सचिवहरूलाई पनि हट्टाउनु पर्छ भनी मांग गरेका छन्।‌ उनले खरसाङ नगरपालिका, मिरिक नगरपालिका र कालेबुङ नगरपालिकाको बोर्डको पाँच वर्षको कार्यकाल गत २०२२ मा नै समाप्त भईसकेको छ तर पनि आजसम्म चुनाव किन गराएको छैन भन्दै प्रमुख निर्वाचन आयोग ज्ञानेश कुमारलाई पत्रचार गरेको जानकारी पार्टी केन्द्रीय कार्यकारिणी सदस्य लाडुप घिसिङले बताएका छन्। यस विषयमा लाडुप घिसिङले भने, राज्यमा चुनावको घोषणा भई सकेको छ‌। चुनाव निष्पक्ष हुनुपर्छ भनेर भारतको संविधानमा उल्लेख रहेको छ।भारतको निर्वाचन आयोगले चुनावको मिति घोषणा गरेपछि एमसीसी लागु भईहाल्छ। प्रत्येक मतदाताहरूले खुल्ला मनले आफ्नो मतदान गर्न सकोस भन्ने निर्वाचन आयोगले माहोल बनाई दिन्छ। यसै क्रममा आज इण्डियन गोर्खा जनशक्ति फ्रण्टको केन्द्रीय संयोजक अजय एडवर्डसले प्रमुख निर्वाचन आयोग ज्ञानेश कुमारलाई पत्रचार गरेका छन्।गत २९१७ मा दार्जीलिङ जिल्लाको खरसाङ नगरपालिका,मिरिक नगरपालिका अनि कालेबुङ जिल्लाको कालेबुङ नगरपालिकाको अन्तिम चुनाव भएको थियो। यी बोर्डहरूको पाँच वर्षको कार्यकाल २०२२ मा समाप्त भइसकेको छ तर यतिका वर्षहरू बितिसक्दा पनि यी नगरपालिका बोर्डहरूको चुनाव भएको छैन। पश्चिम बंगाल सरकारले आफ्नो अधीनमा रहेको यी बोर्डहरूमा प्रशासक नियुक्ति गरेर सञ्चालन गर्दै आईरहेको छ। यहाँ निर्वाचित जनप्रतिनिधिहरू छैनन्।’
यी क्षेत्रीय निकायहरूमा चुनाव नभएको कारणले गर्दा राजनैतिक रूपमा प्रशासक नियुक्ति गरेका छन्। भारतीय गोर्खा प्रजातान्त्रिक मोर्चा र तृणमूल कांग्रेसको नेतृत्वहरूलाई ती बोर्डहरूमा प्रशासक नियुक्ति गरिएको छ। यसले गर्दा निष्पक्ष चुनाव सम्पन्न हुन्छ भन्ने विषयमा आफुहरूलाई भरोसा नभएकोले गर्दा यी प्रशासकहरूलाई अविलम्ब हटाएको हुन पर्छ भन्ने माग प्रमुख निर्वाचन आयोग समक्ष राखेको घिसिङले बताए। त्यसरी नै यहाँको क्षेत्रीय व्यवस्थामा पनि सचिव,वित सचिव आदि जस्ता पदहरूमा विगत धेरै वर्षदेखि राख्दै आएका छन। यस्ता कार्यहरूले चुनावी माहोललाई प्रभाव पार्न सक्छ भन्ने हामीलाई आशंका लागेको छ, निष्पक्ष चुनाव सम्पन्न गराउनलाई चयन गरिएको राखेका पदाधिकारीहरूलाई तुरून्तै हट्टाउनु पर्छ।