नयाँ दिल्ली: राज्यसभामा सांसद हर्षबर्धन श्रृंगलाले स्मार्ट सिटी अभियानको परिणामबारे प्रश्न उठाउँदै परियोजनाहरूको प्रगति, ती पूरा भएको अवस्था तथा नगर प्रशासन र जनसेवामा भएका सुधारबारे विस्तृत जानकारी माग गरेका छन्। उनले भने, यी अनुभवहरू उनको क्षेत्रका लागि विशेष रूपमा महत्वपूर्ण छन्।
प्राप्त जानकारीअनुसार, हालै प्रस्तुत “जीवन्त सिलिगुडी – दृष्टि २०४७” विषयक प्रस्तुतीमा उनले योजनाबद्ध आधुनिक नगर विकास, उन्नत यातायात व्यवस्था, राम्रो स्वास्थ्य सेवा तथा ज्ञानमा आधारित संस्थानहरूले सिलिगढीलाई उत्तर बङ्गाल र पूर्वी हिमालय क्षेत्रको एक प्रमुख विकास केन्द्र बनाउन महत्वपूर्ण भूमिका खेल्न सक्ने बताए।
उनले थप बताएअनुसार, केन्द्र सरकारले जानकारी दिएको छ कि यस अभियानअन्तर्गत जम्मा १ लाख ६४ हजार करोड रुपैयाँको लागतमा लिइएका ८०६४ परियोजनामध्ये १ लाख ५६ हजार करोड रुपैयाँका ७७८४ परियोजना पहिले नै पूरा भइसकेका छन्। यी परियोजनामार्फत १०० सहरमा आधुनिक सडक, डिजिटल प्रशासन प्रणाली, सुधारिएको पानी आपूर्ति अनुगमन व्यवस्था, बलियो सुरक्षा संरचना तथा आधुनिक जनसेवा सुविधाहरू विकास गरिएको छ।
अन्त्यमा सांसदले भने, स्मार्ट सिटी अभियानजस्ता सफल नमुनाबाट सिकेर सिलिगढी, दार्जिलिङ र समग्र उत्तर बङ्गाल क्षेत्रमा अझ राम्रो सम्पर्क व्यवस्था, सुदृढ आधारभूत संरचना तथा मानिसहरूका लागि व्यापक अवसर सुनिश्चित गर्न सकिन्छ। यसबाट क्षेत्रको समग्र विकासले नयाँ गति पाउने अपेक्षा गरिएको छ।