८ अक्टोबरः युनाइटेड गुम्ती स्पोर्टिंग क्लब, महानदीको तत्त्वावधानमा आयोजित ओपन नक्आउट फूटबल टुर्नामेण्टमा शनिवार एउटा म्याच खेलियो। गुम्ती खेल मैदानमा भएको पहिलो म्याचमा ए.जी.ई.पी. रोहिनीले बरबुंग एफसी-लाई ३-०-ले पराजित गऱ्यो। यसरी नै दोस्रो म्याचमा हिल फूटबल एकाडमीको टीम नआउँदा रिषि सेभेन महानदीले वक्ओभर पाएर अघिल्लो राउण्डमा प्रवेश गऱ्यो । यस सेभेन ए साइड टुर्नामेण्टमा जम्मा ३० वटा टीमले हिस्सा लिएको छ। दुईवटा सेमिफाइनल १२ र १३ नोभेम्बरमा खेलिनेछ। यसरी नै फाइनल २० नोभेम्बरमा हुनेछ। टुर्नामेण्टमा च्याम्पियन हुने टीमलाई ट्रफीको साथमा १ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ५० हजार रुपियाँको नगद पुरस्कार प्रदान गरिने आयोजक युनाइटेड गुम्ती स्पोर्टिंग क्लबका महासचिव प्रवीण दर्नालले बताएका छन्।