नयाँ दिल्ली: उड्डयन नियामक डीजीसीएले इन्डिगो एयरलाइनलाई विशेष रुपले सक्षम नानीलाई चढाउन अस्वीकार गरेकोमा ५ लाख रुपियाँ जरिवाना लगाएको छ। यो घटना ७ मीको दिन राँची एयरपोर्टको हो। त्यस समय इन्डिगोले भनेको थियो कि यात्रुहरूको सुरक्षालाई ध्यानमा राख्दै, एक विशेष सक्षम भएका नानीलाई ७ मईमा राँची-हैदराबाद उडानमा चढ्न अनुमति दिइएन किनभने उनी नर्भस देखिए। नानीलाई विमानमा चढ्न रोक लगाइएपछि उनीसँगै आएका अभिभावकले पनि विमानमा नचढ्ने निर्णय गरेका थिए। ९ मईमा डीजीसीएले घटनाको अनुसन्धान गर्न तीन सदस्यीय टोली गठन गरेको थियो। डीजीसीएले भन्यो, “मई ७ मा राँची एयरपोर्टमा अपाङ्गता भएका नानीलाई इन्डिगोका कर्मचारीहरूले गरेको व्यवहार अनुपयुक्त थियो र यसले स्थितिलाई थप बिगारेको थियो।” डीजीसीए भनाईअनुसार विशेष परिस्थितिहरूमा असाधारण प्रतिक्रिया चाहिन्छ, तर एयरलाइनका कर्मचारीहरूले त्यसो गर्न असफल भए। यस्तो अवस्थामा एयरक्राफ्ट नियमावलीको प्रावधानअनुसार वायुसेवा कम्पनीलाई ५ लाख रुपियाँ जरिवाना गर्ने निर्णय गरिएको छ।