नयाँ दिल्ली: संयुक्त राज्य अमेरिकाका राष्ट्रपति डोनाल्ड ट्रम्पले पुनः दाबी गरेका छन् कि गत वर्ष भारत र पाकिस्तानबीचको सैन्य तनाव उनले शुल्क (ट्यारिफ) लगाउने चेतावनी मार्फत रोकेका थिए, जुन उनका अनुसार परमाणु युद्धमा परिणत हुन सक्थ्यो। मंगलबार ‘फक्स बिजनेस’ लाई दिएको अन्तर्वार्तामा राष्ट्रपति ट्रम्पले आठवटा युद्ध रोकेको छु भने। ती आठमध्ये कम्तीमा छ वटा शुल्कका कारण समाधान भएको ट्रम्पले बताए।
उनले भनेका थिए यदि भारत पाकिस्तानले यो युद्ध नरोके अमेरिकाले यी देशहरूमाथि शुल्क लगाउन सक्नेछ। साथै उनले मानिसहरू मरेको देख्न नचाहने बताए।”
उनले थपे, “भारत-पाकले सोधे, ‘यसको शुल्कसँग के सम्बन्ध छ?’ उनले भने, ‘तपाईंहरूमाथि शुल्क लगाइनेछ।’ जस्तै भारत र पाकिस्तानको मामिलामा। ट्रम्पको विचारमा यो परमाणु युद्धमा परिणत हुन सक्थ्यो। भारत-पाक साँच्चै युद्धतर्फ अघि बढिरहेका थिए। १० वटा विमान खसालिएका थिए।”
ट्रम्पले अझ दाबी गरे कि पाकिस्तानका प्रधानमन्त्रीले उनलाई भनेका थिए, “राष्ट्रपति ट्रम्पले हामीलाई लडाइँ रोक्न राजी गराएर कम्तीमा एक करोड मानिसको ज्यान जोगाइदिए।” ट्रम्पले अझ भने, “मेरो विचारमा उनीहरू परमाणु युद्धतर्फ जाँदै थिए। शुल्कको चेतावनी बिना युद्ध रोक्न सम्भव हुने थिएन।”
उल्लेखनीय छ कि गत वर्ष १० मेदेखि ट्रम्पले भारत–पाकिस्तान द्वन्द्व रोक्ने दाबी पटक–पटक गर्दै आएका छन्। १० मेमा उनले सामाजिक सञ्जालमार्फत वाशिङ्टनको मध्यस्थतामा भएको वार्तापछि दुवै छिमेकी देशले सैन्य द्वन्द्व ‘पूर्ण र तत्काल’ रोक्न सहमति जनाएको घोषणा गरेका थिए। तर भारतले भने तेस्रो पक्षको कुनै पनि हस्तक्षेपको दाबी निरन्तर अस्वीकार गर्दै आएको छ।
गत वर्ष ७ मेमा भारतले ‘अपरेशन सिन्दूर’ सुरु गरेको थियो, जसअन्तर्गत पाकिस्तान र पाकिस्तान अधिकृत कश्मीरमा रहेका आतंकवादी संरचनामाथि निशाना साधिएको थियो। यो कदम २२ अप्रिलमा पहलगाममा भएको आक्रमणको जवाफस्वरूप चालिएको थियो, जसमा २६ जना सर्वसाधारणको ज्यान गएको थियो।