मस्को: रुसी राष्ट्रपति भ्लादिमिर पुटिनले युक्रेनको कब्जामा रहेको क्षेत्रलाई आफ्नो देशको औपचारिक हिस्सा घोषणा गरेका छन्। क्रेमलिनमा आयोजित एक समारोहमा उनले युक्रेनका चार क्षेत्र डोनेस्क, लुहान्स्क, जापोरिझिया, खेर्सनलाई रुसी क्षेत्र घोषणा गरे। यस क्रममा पुटिनले यस क्षेत्रका जनता अब रुसका नागरिक भएको र उनीहरुको सुरक्षा हाम्रो दायित्व भएको बताए। पुटिनले पश्चिमा देशले भारतलाई लुटेको र अहिले रुसमाथि आफ्नो नजर रहेको आरोप लगाएका छन्। उनले रुसविरुद्ध पश्चिमा देशले षड्यन्त्र गरिरहेको बताए। रुसका पूर्व नेताहरूबारे टिप्पणी गर्दै उनले भने, ‘उनीहरूले अमेरिकाको आडमा आफ्नो रणनीतिक शक्ति घटाइदिएका छन्, जबकि अन्य देशहरूमा हामीले हतियारको एउटै हतियार राख्छौंl’ पुटिनले नरसंहारको वास्तविक दोषी अमेरिका भएको आरोप लगाएl
भ्लादिमिर पुटिनले शुक्रबार भने, ‘पश्चिमले रुसलाई उपनिवेश बनाउन चाहन्छ। भारतजस्ता देश लुटेका छन् । (तर) हामीले आफूलाई उपनिवेश हुन दिएनौंl’ पुटिनले रुसले सोभियत संघको पुनर्निर्माणको प्रयास नगरेको बताए। ‘सोभियत संघ अब छैन। हामी विगत फिर्ता ल्याउन सक्दैनौं र रूसलाई अब यसको आवश्यकता छैन। हामीले त्यसो गर्न खोजिरहेका छैनौंl’