सिलगढ़ी: मधुर मिलन संघको तत्त्वावधानमा आयोजित प्रतिष्ठित मिलनमोड़ गोल्ड कप फूटबल टुर्नामेण्टको १२औं संस्करणमा जर्जियन फूटबल क्लबले क्वार्टर फाइनलमा स्थान बनायो। मिलनमोड़ खेल मैदानमा सोमवार भएको म्याचमा जर्जियन फूटबल क्लबले कञ्चनजंघा फूटबल क्लब (केएफसी)-विरुद्ध ३-१-ले जीत हासिल गऱ्यो। विजेता टीमको तर्फबाट देवाशिष राईले ३२औं र ७७औं मिनटमा २ गोल गरे। अन्य एउटा गोल बसन्त राईले ७३औं मिनटमा गरे। यसरी केएफसी-को तर्फबाट अंकित राईले ७४औं मिनटमा गोल गरे। देवाशिष राईलाई प्लेयर अव् द म्याच चयन गरियो। मंगलवार खेलिने म्याचमा कनकाई स्पोर्टिंग क्लब (नेपाल) र युनाइटेड फूटबल क्लब दार्जीलिङबीच भिड़न्त हुनेछ। टुर्नामेण्टमा जम्मा १६ वटा अग्रणी टीमहरूले हिस्सा लिएको छ। २ वटा सेमिफाइनल ७ र ८ जनवरीमा हुनेछ। यसरी फाइनल म्याच ११ जनवरीमा खेलिनेछ। टुर्नामेण्टमा च्याम्पियन हुने टीमलाई आकर्षक ट्रफीको साथमा २ लाख रुपियाँको नगद पुरस्कार प्रदान गरिनेछ। यसरी रनरअप हुने टीमलाई आकर्षक ट्रफीको साथमा १ लाख रुपियाँको नगद पुरस्कार प्रदान गरिनेछ। यसको साथमा अन्य आकर्षक व्यक्तिगत पुरस्कारहरू पनि रहनेछ।