गान्ताेक: आज सिक्किमका मुख्यमन्त्री प्रेम सिंह तामाङले टुमिन–लिङ्गी निर्वाचन क्षेत्रअन्तर्गत लिङ्गी, नलिपार्ताममा आयोजित राज्यस्तरीय नामसुङ पर्व समारोहमा सहभागी हुन पाएकोमा सामाजिक संजाल मार्फत अत्यन्त खुशी व्यक्त गरे।

यससँगै मुख्यमन्त्रीले नामसुङ केवल नयाँ वर्ष र बालीको उत्सव मात्र होइन, लेप्चा समुदाय र हामी गौरवका साथ सिक्किम भनेर पुकार्ने ‘मायेल ल्याङ’ – त्यो लुकेको स्वर्ग- बीचको जीवित सम्बन्धको प्रतीक पनि हो। सहअस्तित्व, विनम्रता र प्रकृतिप्रति सम्मानमा आधारित तपाईंहरूको जीवनपद्धतिले आधुनिक विश्वलाई अमर पाठ दिन्छ।

ल्हो–मेन–त्सोङ–सुमको सभ्यतागत सम्बन्धले सिक्किम विजय होइन, सद्भावमा निर्मित राज्य हो भन्ने शक्तिशाली सन्देश दिन्छ भनि सामाजिक संजालमा उल्लेख गरे।

उनले भने- लेप्चा समुदायको बुद्धिमत्ता, सहनशीलता र शान्त शक्ति नै सिक्किमको नैतिक आधार हो। तपाईंहरूको भाषा, संस्कृति र विरासत संरक्षणप्रति हाम्रो सरकार दृढरूपमा प्रतिबद्ध छ।

नामसुङले प्रत्येक घरमा शान्ति, समृद्धि र खुशियाली ल्याओस्। कञ्चनजंघाको आशिष सधैँ हामीमाथि रहोस्, र सिक्किम एकताबद्ध, शान्त र सबल रहोस्।