ताक्छाङ: सशस्त्र सीमा बल (एसएसबी) को पाकिम आधारित ६९औँ बटालियनले आज अम्बा–पञ्चायत अन्तर्गतको ताक्छाङ गाउँमा निशुल्क चिकित्सा शिविर सञ्चालन गरेको छ।
नागरिक कार्य कार्यक्रमअन्तर्गत आयोजना गरिएको यस शिविरमा करिब १३८ जना स्थानीयवासीले स्वास्थ्य जाँच, परामर्श र आवश्यक औषधि सेवा प्राप्त गरेका छन्। शिविर युनिटकी चिकित्सा अधिकारी डा. फाल्गुनी मण्डलको देखरेखमा सम्पन्न भएको थियो।
एसएसबीले जारी गरेको प्रेस विज्ञप्तिमा भनिएको छ, “स्थानीय समुदायसँगको समन्वयलाई अझ मजबुत बनाउँदै भविष्यमा यस्ता स्वास्थ्य शिविर निरन्तर सञ्चालन गरिनेछ।”