अहमदाबाद: भारतले पाँचौं तथा अन्तिम टी२० इण्टरनेशनल क्रिकेट म्याचमा दक्षिण अफ्रिकालाई ३० रनले पराजित गरी ५ वटा म्याचको सीरीज ३-१-ले जित्यो। शुक्रवार खेलिएको म्याचमा टस हारेर पहिला ब्याटिंग गर्दै भारतले २० ओभरमा ५ विकेट गुमाएर २३१ रनको विशाल स्कोर बनायो। तिलक वर्माले सर्वाधिक ७३ रन (४२ बल, १० वटा चौका र एउटा छक्का) बनाए। यसबाहेक हार्दिक पाण्ड्याले ५ वटा छक्का र ५ वटा चौकाको साथ २५ बलमा ६३ रन बनाए। यी दुईबाहेक सञ्जु सेमसनले ३७ र अभिषेक शर्माले ३४ रनको योगदान दिए। कप्तान सूर्यकुमार यादव फेरि एकपल्ट फ्लप साबित भए अनि केवल ५ रन (७ बल) बनाएर आउट भए। दक्षिण अफ्रिकी बलरहरूमा कोर्बिन बशले सर्वाधिक २ विकेट लिए। म्याच जित्न २३२ रनको लक्ष्यलाई खेदो गर्दै दक्षिण अफ्रिकाले २० ओभरमा ८ विकेट गुमाएर २०१ रन मात्र बनाउन सक्यो। ओपनर क्विण्टन डी ककले सर्वाधिक ६५ रन (३५ बल, ९ वटा चौका र ३ वटा छक्का) बनाए। यसबाहेक डेवाल्ड ब्रेविसले ३१ रनको योगदान दिए। कोर्बिन बश १७ रनमा अविजित रहे। भारतीय बलरहरूमा वरुण चक्रवर्तीले ४ र जसप्रीत बुमराहले २ विकेट लिए। हार्दिक पाण्ड्याले प्लेयर अव् द म्याचको पुरस्कार जिते। उनले अर्द्धशतक बनाउनको साथै ब्रेविसको महत्त्वपूर्ण विकेट लिए। यसरी वरुण चक्रवर्ती (१० विकेट)-लाई प्लेयर अव् द सीरीज चयन गरियो।