लण्डन: ईंग्लिश प्रीमियर लीग फूटबल प्रतियोगितामा म्यानचेष्टर सिटीले आफ्नो उतत्कृष्ट प्रदर्शनको क्रम जारी राख्यो भने टोटनह्यामले चाहिँ फेरि निराशाजनक हारको सामना गर्नु पऱ्यो। आइतवार राति खेलिएको म्याचमा म्यानचेष्टर सिटीले क्रिस्टल प्यालेसविरुद्ध ३-०-ले जीत हासिल गऱ्यो। यस अवे म्याचमा ६३ प्रतिशत पोजेशनको साथ खेल्ने सिटीको तर्फबाट एर्लिंग हालाण्डले २ गोल गरे। नर्वेका यस स्टार फरवर्डले ४१औं र ८९औं मिनटमा गोल गरे। अन्य एउटा गोल फर्ममा रहने फिल फोडेनले ६९औं मिनटमा गरे। यस जीतको साथ म्यानचेष्टर सिटी १६ वटा म्याचमा ३४ पोइण्ट्सको साथ प्रीमियर लीग पोइण्ट्स टेबलको दोस्रो स्थानमा कायम रह्यो। यसबीच टोटनह्यामले चाहिँ नटिंघम फरेष्टविरुद्ध ०-३-ले निराशाजनक हारको सामना गर्नु पऱ्यो। प्रदर्शनमा निरन्तरताको कमीसँग जुझिरहेको टोटनह्यामले यस अवे म्याचमा लगातार प्रयास गरे पनि गोल दर्ता गर्न सकेन। होम टीमबाट म्याचमा कलम हडसन-ओडोइले २८औं र ५०औं मिनटमा २ गोल गरे। अन्य एउटा गोल इब्राहिम सानगारेले ७९औं मिनटमा गरे। यस हारपछि ११औं स्थानमा रहने टोटनह्यामसँग २२ पोइण्ट्स रहेको छ। यसरी नटिंघम फरेष्ट १८ पोइण्ट्सको साथ १६औं स्थानमा रहेको छ। एस्टन भिल्लाले पनि मोर्गन रोजर्सको २ गोल (५०औं र ७९औं मिनट)-को सहायताले वेष्ट ह्यामविरुद्ध ३-२-ले जीत हासिल गऱ्यो। म्याचको मध्यान्तरसम्म १-२-ले पछि रहने एस्टन भिल्लालाई रोजर्सको उत्कृष्ट प्रदर्शनले जीत दिलायो। यस जीतको साथ एस्टन भिल्ला ३३ पोइण्ट्सको साथ तेस्रो स्थानमा पुग्यो। अन्य म्याचहरूमा सण्डरल्याण्डले न्यूक्यासललाई १-०-ले पराजित गऱ्यो भने ब्रेण्टफोर्ड र लीड्स युनाइटेडबीचको म्याच १-१-ले ड्र रह्यो।