नयाँ दिल्ली: अर्जेण्टिनाका विश्व कप विजेता कप्तान तथा दिग्गज फूटबलर लियोनल मेस्सी भारत यात्राको दोस्रो दिन आइतवार मुम्बई पुगे। कलकत्ता र हैदराबादपछि मुम्बई पुगेर कोलाबामा केही बेर विश्राम गरेपछि मेस्सीले आफ्ना साथी फूटबलर लुईस सुआरेज र रोड्रिगे डी पलसँग ब्रेबर्न स्टेडियममा एउटा कार्यक्रममा हिस्सा लिए अनि दिउँसो सेलिब्रिटी फूटबल म्याचको आनन्द लिए। त्यहाँबाट मेस्सी वानखेड़े स्टेडियम गए, जहाँ हजारौंको संख्यामा उपस्थित प्रशंसकहरूले उनलाई जोड़तोड़ले स्वागत जनाए। अर्जेण्टनाई दिग्गजले स्टेडियममा उपस्थित दर्शकहरूलाई भरपूर मनोरञ्जन प्रदान गरे। उनले फूटबललाई आफ्नो चमत्कारी किकद्वारा ग्यालरीमा पुऱ्याएर प्रशंसकहरूलाई रोमाञ्चित गरे।

वानखेड़े स्टेडियममा कार्यक्रमको अवधि भारतका महान ब्याटर सचिन तेन्दुलकरले मेस्सीसँग भेट गरे। सचिनले यस अवधि मेस्सीलाई २०११ वर्ल्ड कपको आफ्नो जर्सी उपहार दिए। यसरी दिग्गज भारतीय फूटबलर सुनिल छेत्रीले पनि मेस्सीसँग भेट गरे। यस अवसरमा मेस्सीले पूर्व भारतीय कप्तानलाई आफ्नो जर्सी भेट गरे। कार्यक्रममा महाराष्ट्रका मुख्यमन्त्री देवेन्द्र फडणवीस पनि उपस्थित थिए। फडणवीसले मेस्सीको उपस्थितिमा प्रोजेक्ट महादेव को पनि शुभारम्भ गरे। प्रोजेक्ट महादेवको माध्यमले राज्य सरकारको उद्देश्य युवा फूटबल खेलाड़ीहरूलाई अन्तर्राष्ट्रिय स्तरसम्म पुऱ्याउन प्रशिक्षित गर्नु हो।

मेस्सी अब दिल्ली जानेछन्। राष्ट्रिय राजधानीमा पनि मेस्सीको कार्यक्रम व्यस्त रहनेछ, जसमा प्रधानमन्त्री नरेन्द्र मोदीसँग उनको भेटघाट पनि सामेल छ। त्यसपछि अरुण जेटली स्टेडियममा हुने कार्यक्रममा मेस्सीले हिस्सा लिनेछन्।